26-Dec-2022

ବିନିକା(ହିମାଂଶୁ ଶେଖର ପୁଟେଲ)କରୋନା କଟକଣା ଯୋଗୁଁ ଦୀର୍ଘ ଦୁଇ ବର୍ଷ ଧରି ବନ୍ଦ ଥିବା ବିନିକା-ପାପକ୍ଷୟ ଲୋକ ମହୋତ୍ସବ ଆସନ୍ତା ନବବର୍ଷରେ ଆୟୋଜନ ନେଇ କମିଟି ସହ ସମ୍ପାଦକ ନବଜୀବନ ପଣ୍ଡାଙ୍କ ଆବାହକତ୍ୱରେ ସ୍ଥାନୀୟ ସ୍ପୋର୍ଟସ କ୍ଲବ ଠାରେ ରବିବାର ସନ୍ଧ୍ୟାରେ ଅନୁଷ୍ଠିତ ହୋଇଯାଇଛି ।କମିଟି ସମ୍ପାଦକ ସମୀର ରଞ୍ଜନ ପଣ୍ଡା ଉପସ୍ଥିତ ସଦସ୍ୟ ମାନଙ୍କୁ ଅଭିନନ୍ଦନ ଜଣାଇବା ସହ ବିଗତ ବର୍ଷ ମାନଙ୍କ ଅପେକ୍ଷା ଯେପରି ମହୋତ୍ସବ ଆହୁରି ଚିତ୍ତାକର୍ଷକ ହେବ ସେନେଇ ମତ ଦେବାକୁ କହିଥିଲେ । କମିଟି ବରିଷ୍ଟ ସଦସ୍ୟ ଭୀମସେନ ସାହୁ,ସୃଜନ କୁମାର ପଣ୍ଡା,ହିମାଂଶୁ ଭୁଷଣ ପଣ୍ଡା,ସୁଜିତ ଶର୍ମା,ଆନନ୍ଦ ହୋତା,ଦଧିବାମନ ନାୟକ,ହିମାଂଶୁ ଶେଖର ପୁଟେଲ,ଭୋଗେଶ ବଡ଼ପଣ୍ଡା,ଗୋବିନ୍ଦ ପ୍ରଧାନ ପ୍ରମୁଖ ଯୋଗଦେଇ ଆଲୋଚନାରେ ଭାଗ ନେଇଥିଲେ । ଏହାର ପରବର୍ତ୍ତୀ  ପୂର୍ଣ୍ଣାଙ୍ଗ ବୈଠକ ଆସନ୍ତା ୨୯ତାରିଖ ସନ୍ଧ୍ୟାରେ ଅନୁଷ୍ଠିତ ହେବ ବୋଲି ସମ୍ପାଦକ ସୂଚନା ଦେବାସହ ଏଥିରେ ସମସ୍ତ ସଦସ୍ୟ ଯୋଗଦେବାକୁ ଅନୁରୋଧ କରିଛନ୍ତି ।