24-Dec-2022

ବୌଦ୍ଧ(ଦୁର୍ଯ୍ଯୋଧନ ବିଶି) ବୌଦ୍ଧଜିଲ୍ଳାର  ସମସ୍ତ ସରକାରୀ ଅଧିକାରୀ ଓ କର୍ମଚାରୀ ଶୁକ୍ରବାର ଦିନ ଦମନ ଚଳଚିତ୍ର ଦେଖିଛନ୍ତି । ବୌଦ୍ଧ ଟାଉନହଲଠାରେ ଜିଲ୍ଳାପାଳ ସତ୍ୟରଞ୍ଜନ ସାହୁ,ଅତିରିକ୍ତ ଜିଲ୍ଲାପାଳ ବବିତାରାଣୀ ଦଳବେହେରା,ଜିଲ୍ଲାପରିଷଦର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଅଶ୍ୱିନୀ କୁମାର ମେହେରଙ୍କ ସମେତ ସମସ୍ତ ଅଧିକାରୀ ଓ କର୍ମଚାରୀ ,ସ୍ୱାସ୍ଥ୍ୟ ବିଭାଗର ଡାକ୍ତର ଓ ନର୍ସ,ନର୍ସିଂ କଲେଜ ର ଛାତ୍ରୀଙ୍କ ସମେତ ଗଣମାଧ୍ୟମ ପ୍ରତିନିଧିମାନେ ଏହି ଚଳଚିତ୍ରକୁ ଦେଖିଥିଲେ । ଦୀର୍ଘଦିନ ପରେ ଓଡ଼ିଆ ଚଳଚିତ୍ର ଜଗତରେ ଦମନ ଭଳି ଏକ ସଚେତନତା ବାର୍ତ୍ତା ପ୍ରଦାନ କରୁଥିବା ଚଳଚିତ୍ର ନିର୍ମାଣ ହୋଇଥିବାବେଳେ ଏହା ସମସ୍ତଙ୍କର ପ୍ରଶଂସା ଲାଭ କରିଛି । ଏହି ଚଳଚିତ୍ରଟି ରାଜ୍ୟର ମାଓ ଅଧ୍ୟୁଷିତ ଉପାନ୍ତ ଅଞ୍ଚଳ ମାଲକାନଗିରିର ସ୍ୱାସ୍ଥ୍ୟସେବା ଉପରେ ଆଧାରିତ ହୋଇଛି । ସରକାରୀ କର୍ମଚାରୀଙ୍କୁ ଏହି ଚଳଚିତ୍ରଟି ଅଧିକ ପ୍ରେରଣା ଯୋଗାଇବ ବୋଲି ଜିଲ୍ଲାପାଳ ଶ୍ରୀଯୁକ୍ତସାହୁ ମତବ୍ୟକ୍ତ କରିଛନ୍ତି । ଜାତୀୟ ସ୍ୱାସ୍ଥ୍ୟ ମିଶନର ପ୍ରୋଗ୍ରାମ ମ୍ୟାନେଜର ରୂପକ ମହାପାତ୍ରଙ୍କ ପ୍ରତ୍ୟକ୍ଷ ତତ୍ୱାବଧାନରେ ଏହି ଚଳଚିତ୍ର ପ୍ରଦର୍ଶନ କାର୍ଯ୍ୟକ୍ରମ ପରିଚାଳନା ହୋଇଥିଲା ।