24-Dec-2022

ଉଲୁଣ୍ଡା (ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ବାଘପାଲି ସ୍ଥିତ ସିଦ୍ଧ ଯୋଗୀ ଚନ୍ଦ୍ରମଣୀ ଦାସଙ୍କ ସମାଧି ପୀଠ ଠାରେ ଚାଲିଥିବା ବକୁଳ ଯାତ୍ରା ମହୋତ୍ସବ ଆଜି ଉଦଯାପିତ ହୋଇଯାଇଛି । ଆୟୋଜିତ ଉଦଯାପନୀ ସଭାରେ ବୀରମହାରାଜପୁର ବିଧାୟକ ପଦ୍ମନାଭ ବେହେରା ମୁଖ୍ୟ ଅତିଥି ଭାବରେ ଯୋଗଦେଇ ଚନ୍ଦ୍ରମଣୀ ସାହିତ୍ୟକୁ କିଭଳି ଭାବରେ ଲୋକଲୋଚନକୁ ଆସିପାରିବ ସେଥିପ୍ରତି ସରକାରଙ୍କ ସଂସ୍କୃତି ବିଭାଗ ସହିତ ଯୋଗାଯୋଗ କରାଜିବ ବୋଲି ପ୍ରତିଶୃତି ଦେଇଥିଲେ । ସମ୍ମାନୀତ ଅତିଥି ଭାବରେ ସୁବର୍ଣ୍ଣପୁର ଜିଲ୍ଲାପରିଷଦ ଅଧ୍ୟକ୍ଷା ସୁପାର ଠେଲା, ଉଲୁଣ୍ଡା ବ୍ଲକ ଜୋନ୧ର ଜିଲ୍ଲାପରିଷଦ ସଭ୍ୟା ବିଜୟଲକ୍ଷ୍ମୀ ତରାଇ, ଉତର କୁମାର ପାତ୍ର ମଂଚାସୀନ ହୋଇଥିଲେ । ମୁକୁନ୍ଦ ଧରୁଆ ସଭା ପରିଚାଲାନ କରିଥିବା ବେଳେ କହ୍ନାଇ ଦେହେରୀ, ପଦ୍ମଲୋଚନ ପଧାନ, ରାଜକୁମାର ଅମାତ, ଘନଶ୍ୟାମ ପଧାନ, ରଂଜିତ ଦେହେରୀ, ବୁଧୁଲାଲ ଦେହେରୀ ପରିଚାଲାନରେ ସହେଯାଗ କରିଥିଲେ ।  ସମାରୁ ବଗର୍ତୀ ଧନ୍ୟବାଦ ଦେଇଥିଲେ । ଦିର୍ଘ ଆଠ ଦିନ ଧରି ଚାଲିଥିବା ଏହି ମହୋତ୍ସବରେ ସପ୍ତାହ ପାରାୟଣ, ପ୍ରବଚନ, ସାରସ୍ୱତ ସମାରୋହ, ପ୍ରତ୍ୟେକ ସଂଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଆଜି ଅନ୍ତିମ ଦିବସରେ ହଜାର ହଜାର ଶ୍ରଦ୍ଧାଲୁଙ୍କ ସମାଗମ ହୋଇଥିଲା ।