24-Dec-2022

ବଲାଙ୍ଗିର, ଆଜି  ସ୍ଥାନୀୟ ସିଭିଲ କୋର୍ଟ ବାର୍ ହଲ୍‌ଠାରେ ବଲାଙ୍ଗୀର ଜିଲ୍ଲା ଓକିଲ ସଂଘ ର କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି । ସଂଘର ସଭାପତି ଅମରେଶ ତ୍ରିପାଠୀଙ୍କ ଆବାହକତ୍ୱରେ ଅନୁଷ୍ଠିତ ଏହି ବୈଠକରେ ସମ୍ବଲପୁର ଓକିଲ ସଂଘର ସଭ୍ୟ ମାନଙ୍କ ବିରୁଦ୍ଧରେ ପୋଲିସର ମାତ୍ରାଧିକ କାର୍ଯ୍ୟାନୁଷ୍ଠାନକୁ ଦୃଢ଼ ନିନ୍ଦା କରାଯାଇଥିଲା । ଗତ ଡିସେମ୍ବର ୧୨ ତାରିଖରେ ହାଇକୋର୍ଟ ସ୍ଥାୟୀ ବେଂଚ ଆନ୍ଦୋଳନକୁ କେନ୍ଦ୍ର କରି ସମ୍ବଲପୁର କୋର୍ଟ ପରିସରରେ ଘଟିଥିବା ଅପ୍ରୀତିକର ଘଟଣାର ପ୍ରକୃତ ଅନୁସନ୍ଧାନ ନ କରି ପୋଲିସ ଘଟଣାରେ ସଂପୃକ୍ତ ନ ଥିବା ସମ୍ବଲପୁର ଜିଲ୍ଲ     ଓକିଲ ସଂଘର କିଛି ଓକିଲ ମାନଙ୍କୁ ଅମାନୁଷିକ ଭାବରେ ମାଡ ମାରିଥିଲା । ଭାରତ ପରି ଏକ ଗଣତାନ୍ତ୍ରିକ ରାଷ୍ଟ୍ରରେ ନିଜର ହକ୍ ପାଇଁ ଲଢ଼େଇ କରୁଥିବା ଓକିଲ ମନାଙ୍କ ଆନ୍ଦୋଳନକୁ ଦମନ କରାଯିବାର ଏକ ହୀନ ପ୍ରୟାସ କରାଯାଇଛି । ପୋଲିସ ମାଡର ଶିକାର ହୋଇଥିବା ନିରୀହ ଓକିଲ ମାନଙ୍କ ପ୍ରତି ବଲାଙ୍ଗୀର ଜିଲ୍ଲା ଓକିଲ ସଂଘ ସମବେଦନା ଜଣାଇଛି । ସୁପ୍ରିମ କୋର୍ଟର ରାୟ ପ୍ରତି ଆମର ଯଥେଷ୍ଟ ଆସ୍ଥା ଓ ସମ୍ମାନ ରହିଛି ବୋଲି ଜିଲ୍ଲା ଓକିଲ ସଂଘ ପକ୍ଷରୁ କୁହାଯାଇଛି । ପୋଲିସ ନିରୀହ ଓକିଲ ମାନଙ୍କ ବିରୁଦ୍ଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ ନ କରି ଘଟଣାର ସତ୍ୟାସତ୍ୟ ଅନୁସନ୍ଧାନ କରିବାକୁ ବଲାଙ୍ଗୀର ଜିଲ୍ଲା ଓକିଲ ସଂଘ ଦାବି କରିଛି ।