24-Dec-2022

ଉଲୁଣ୍ଡା (ଗୌରଚନ୍ଦ୍ର ପରିଛା): ଉଲୁଣ୍ଡା ବ୍ଲକ ଦକ୍ଷୀଣିପାଲି ଖେଲପଡିଆ ଠାରେ ଜିଲ୍ଲା ସ୍ତରୀୟ ହକି ମହୋତ୍ସବର ଶୁଭାରମ୍ଭ ହୋଇଛି । ଜିଲ୍ଲା କ୍ରୀଡା ବିଭାଗ ପକ୍ଷରୁ ଆୟୋଜିତ ସଭାରେ  ଜିଲ୍ଲାପାଲ ଆବୋଲି ସୁନିଲ ନରୱାଣେ ମୁଖ୍ୟ ଅତିଥି ଭାବରେ ଯୋଗଦେଇଥିଲେ । ସମ୍ମାନୀତ ଅତିଥି ଭାବରେ ଏସପି ଅମରେଶ ପଣ୍ଡା, ଅତିରିକ୍ତ ଜିଲ୍ଲାପାଲ ସୁର୍ଯ୍ୟନାରାୟଣ ଦାସ, ବୀରମହାରାଜପୁର ଉପଜିଲ୍ଲାପାଲ ଅଶୋକ ଭୋଇ, ବ୍ଲକ ଅଧ୍ୟକ୍ଷା ସାନ୍ତିଲତା ମିଶ୍ର, ବିଡିଓ ହେମସାଗର ଭୋଇ, ଜିଲ୍ଲା ଶିକ୍ଷାଧିକାରୀ ଲକ୍ଷ୍ମଣ ଭୋଇ ପ୍ରମୁଖ ମଂଚାସୀନ ହୋଇଥିଲେ । ତେବେ ଜାତୀୟ ଖେଳ ହକିକୁ ସବୁ ସବୁ ବର୍ଗରେ ଆଦୃତ କରିବା ସହ ହକି ବିଶ୍ୱ କପ ୨୦୨୩ ଖେଳ ମହାକୁମ୍ଭକୁ ଜିଲ୍ଲାବ୍ୟାପି ଉତ୍ସାହ ଉଦୀପନାର ସହ ପାଳନ କରିବାକୁ ଅତିଥି ବୃନ୍ଦ ଆହ୍ୱାନ ଦେଇଥିଲେ । ଏହି ଅବଶରରେ ହକି ରଥକୁ ଜିଲ୍ଲାପାଲ ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ ।  ଏହି ଅବଶରରେ ଜିଲ୍ଲାପାଲ ଆଦିବାସୀ  ମହିଲା ମାନଙ୍କ ସହିତ ନାଚି ଉତ୍ସାହିତ କରିଥିଲେ । ଆଜି ପ୍ରଥମ ଦିନରେ ବ୍ଲକର ପଂଚମହଲା, ଜାଲୋଏ, କଲାପଥର ଓ ମହଦା ପଂଚାୟତରେ ପରିକ୍ରମା କରିଥିବା ଜଣାପଡିଛି । କ୍ରୀଡା ଅଧିକାରୀ ଅଭିଲାଷ ପୁରହିତଙ୍କ ତତ୍ୱାବଧାନରେ ହୋଇଥିବା ଏହି କାର୍ଯ୍ୟକ୍ରମରେ ବିଇଓ ସାନ୍ତନୁ କୁମ୍ଭକାର, ଏବିଇଓ ମୁକେଶ ଭୋଇ, ମାର୍କଣ୍ଡେଶ୍ୱର ମିଶ୍ର,ଏବିଡିଓ ଶୁଭ୍ରାଂଶୁ ଶେଖର ମଲ୍ଲିକ, ହିଶାବ ରକ୍ଷକ ଶ୍ୟମଲାଲା ବଂଜାରା, ଜିପିଇଓ ପିତବାସ ପଣ୍ଡା, ସାମାଜିକ ସୁରକ୍ଷା ଅଧିକାରୀ କ୍ଷିରୋଦ୍ର ଭୂଷଣ ରାଏଙ୍କ ସମେତ ବ୍ଲକ ତଥା ଜିଲ୍ଲା ସ୍ତରୀୟ ଅଧିକାରୀ ଏବଂ  ଏସଏଚଜି ମହିଲା, ମିଶନ ଶକ୍ତି ସଦସ୍ୟ, ବିଭିନ୍ନ ସାଂସ୍କୃତିକ ଦଳ ଯୋଗଦେଇଥିଲେ ।