04-Dec-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ) ସୁବର୍ଣ୍ଣପୁର ର ଅଧିଷ୍ଠାତ୍ରୀ ଦେବୀ ମା ସୁରେଶ୍ଵରୀ ଙ୍କ  ମନ୍ଦିର ପ୍ରାଙ୍ଗଣ ରେ ବୃକ୍ଷ ରୋପଣ ଓ ପୁଷ୍ପ ଉଦ୍ୟାନ କାର୍ଯ୍ଯ କ୍ରମ ଅନୁଷ୍ଟିତ ହୋଇ ଯାଇଛି l  ସୁବର୍ଣ୍ଣପୁର ଜିଲ୍ଲାପାଳ ଡ଼. ନୃପ ରାଜ ସାହୁ, ଏସପି ଶ୍ରୀ ନାରାୟଣ ନାଏକ ଯୋଗ ଦେଇ ଏହାକୁ ଶୁଭ ଉଦଘାଟନ କରି ମା ଙ୍କ ପୀଠ କୁ ସବୁଜ ବଳୟ ଓ ସବୁଜିମା ପରିବେଶ ସୃଷ୍ଟି କରିବାକୁ ସଂକଳ୍ପ ନେଇ ଭକ୍ତ ଓ ଜନ ସାଧାରଣ ଙ୍କୁ ସଚେତନତା ବାର୍ତ୍ତା ପହଞ୍ଚାଇ ଥିଲେ  l ଏହା ସହିତ ମା ଙ୍କ ପୀଠ ରେ ଆରମ୍ଭ ହୋଇଥିବା ଭବ୍ୟ କଲ୍ୟାଣ ମଣ୍ଡପ ର କାର୍ଯ୍ଯ ତଦାରଖ କରି ଏହାର ଗୁଣାତ୍ମକ କାର୍ଯ୍ଯ ହେବା ଜରୁରୀ ବୋଲି ସଂପୃକ୍ତ ଠିକାଦାର ଙ୍କୁ ନିର୍ଦ୍ଦେଶ କରିଥିଲେ ଓ ଏ ବିଷୟ ରେ ମନ୍ଦିର କମିଟି ସଦସ୍ୟ ଙ୍କ ସହ ଆଲୋଚନା କରିଥିଲେ l

ଏହି ଅବସର ରେ ମା ସୁରେଶ୍ଵରୀ ମନ୍ଦିର ର ପୂଜକ କାଳୀ ପ୍ରସାଦ ମିଶ୍ର, ଯଜ୍ଞ କମିଟି ର ଉପଦେଷ୍ଟା ଶ୍ରୀବତ୍ସ ମଲ୍ଲିକ, ବୈକୁଣ୍ଠ ଶତପଥୀ, ପ୍ରଦୀପ ପୁରୋହିତ, ପ୍ରକାଶ ସାହୁ, ଜିତେନ୍ଦ୍ର ପଟ୍ଟନାୟକ, ପଠାଣ କୁମାର ପଣ୍ଡା, ସତ୍ୟ ନାରାୟଣ ତ୍ରୀପାଠୀ, କମିଟି ସଦସ୍ୟ ମନୋରଞ୍ଜନ ତ୍ରୀପାଠୀ, ଶେଷ ଦେବ ମେହେର , ଲଡୁ କିଶୋର ମଲ୍ଲିକ, ଗୋପାଳ ନେଗୀ, ଫରେଷ୍ଟର ଭକ୍ତ ବନ୍ଧୁ ମିଶ୍ର ପ୍ରମୁଖ କମିଟି ର ବହୁ ସଦସ୍ୟ , ମନ୍ଦିର ପୂଜକ ଓ ଭକ୍ତ ଉପସ୍ଥିତ ଥିଲେ l ପ୍ରଥମେ ଜିଲ୍ଲାପାଳ ଓ ଏସପି ମା ସୁରେଶ୍ଵରୀ ଙ୍କୁ ଦର୍ଶନ କରି  ସହର, ଜିଲ୍ଲା ତଥା ରାଜ୍ୟର ମଙ୍ଗଳ କାମନା ଓ ଦ୍ରୁତ ବିକାଶ କାମନା କରି ଥିଲେ l ଓ ମା ଙ୍କ ଠାରୁ ଆଜ୍ଞାମାଳ ନେଇ ବୃକ୍ଷ ରୋପଣ ଓ ପୁଷ୍ପ ଉଦ୍ୟାନ କାର୍ଯ୍ଯ କ୍ରମ କୁ  ଶୁଭାରମ୍ଭ କରିଥିଲେ l ଆଜି ଏହି କାର୍ଯ୍ଯ କ୍ରମ ରେ ଶହେ ରୁ ଊର୍ଦ୍ଧ୍ବ ପୁଷ୍ପ ଓ ପୋଷ୍ଟାଲ ପାମ ଗଛ ରୋପଣ କରାଯାଇଛି l