04-Dec-2025

କଣ୍ଟାମାଳ(ଜୟକୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ବ୍ରାହ୍ମଣ ସମାଜ ଆନୁକୂଲ୍ୟରେ ବୁଧବାର ସମାଜର ଅସ୍ଥାୟୀ କାର୍ଯ୍ୟାଳୟ ନଳିନୀ ନିବାସ ଠାରେ ଗୀତା ଜୟନ୍ତୀ ମହାଯଜ୍ଞ ଅନୁଷ୍ଠିତ ହୋଇଯାଇଛି  l   ସମାଜର ସଭାପତି ସନ୍ତୋଷ କୁମାର ବିଶି ଙ୍କ ତତ୍ୱାବଧାନ ଓ ପୂର୍ବତନ ସଭାପତି ବସନ୍ତ ମିଶ୍ରଙ୍କ ସଂଯୋଜନା ରେ ଆଡମ୍ବର ଭାବେ ଉକ୍ତ କାର୍ଯ୍ୟକ୍ରମ ଆୟୋଜିତ ହୋଇଥିଲା l  କଣ୍ଟାମାଳ ବ୍ରହ୍ମ ସମାଜର ସମସ୍ତ ସଦସ୍ୟ ମାନଙ୍କ ଦ୍ୱାରା ଶ୍ରୀମଦ ଭାଗବତ ଗୀତା ଓ ଗୋପାଳ ସହସ୍ର ନାମ ପାଠ କରାଯାଇଥିଲା  l 

ଏଥିରେ ସିଦ୍ଧେଶ୍ୱର ପାଣିଗ୍ରାହୀ ଓ ପତ୍ନୀ ଶ୍ରୀମତୀ ଅଙ୍କିତା ପାଣିଗ୍ରାହୀ ଯଜ୍ଞ କର୍ତ୍ତା ଦାୟିତ୍ୱ ତୁଲାଇଥିବାବେଳେ ରାଜକିଶୋର ମିଶ୍ର ଓ ଯଜ୍ଞସେନ ମିଶ୍ର ଯଜ୍ଞ କାର୍ଯ୍ୟରେ ପୌରୋହିତ୍ୟ କରିଥିଲେ  l  ସେହିପରି ବ୍ୟାସ ଭାବେ ପଣ୍ଡିତ ସନତ କୁମାର ମିଶ୍ର ଭଗବତ ଗୀତା ପାଠ କରିଥିଲେ  l  ବ୍ରାହ୍ମଣ ସମାଜର ସର୍ଵଶ୍ରୀ ବସନ୍ତ କୁମାର ମିଶ୍ର, ଘନଶ୍ୟାମ ମିଶ୍ର, ବେଦବର ପାଣି,ପୂର୍ଣଚନ୍ଦ୍ର ମିଶ୍ର, ନବୀନ କୁମାର ବିଶି, ଶିବ ଚରଣ ବିଶି, ରମେଶ କୁମାର ପାଣିଗ୍ରାହୀ, ରଘୁନାଥ ପାଣିଗ୍ରାହୀ, ବସନ୍ତ ପାଢ଼ୀ, ଆନନ୍ଦ ଚନ୍ଦ୍ର ପାଢ଼ୀ,ହରିବନ୍ଧୁ ପୁରୋହିତ, ବିଜୟ କୁମାର ପାଣିଗ୍ରାହୀ ସମେତ ବହୁ ମହିଳା ଓ ପୁରୁଷ ସଦସ୍ୟ /ସଦସ୍ୟା ଉପସ୍ଥିତ ରହି ପରିଚାଳନା ରେ ସହଯୋଗ କରିଥିଲେ l  କାର୍ଯ୍ୟକ୍ରମ ଶେଷରେ ସାମୁହିକ ପ୍ରସାଦ ସେବନ ହୋଇଥିଲା  l