03-Dec-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ସୁବର୍ଣ୍ଣପୁର ର ସୁବର୍ଣ୍ଣ ଲୋକ ମହୋତ୍ସବ ପାଇଁ ଆଜି ଜିଲ୍ଲାପାଳ ଙ୍କ ସମ୍ମିଳନୀ କକ୍ଷରେ ସାଂସ୍କୃତିକ କମିଟି ର ଏକ ପ୍ରସ୍ତୁତି ବୈଠକ ଜିଲ୍ଲାପାଳ ଡ଼.ନୃପରାଜ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଜିଲ୍ଲା ଲୋକ ମହୋତ୍ସବ ହେଉଛି ଲୋକଙ୍କର ମହୋତ୍ସବ, ପ୍ରଶାସନ କେବଳ କୋଡି ନେଟର ମାତ୍ର, ଅତୀତ ର ଦୋଷ ଦୁର୍ବଳତା କୁ ସମାଲୋଚନା ନ କରି ଏ ବର୍ଷ ମହୋତ୍ସବ ଟି କେମିତି ସ୍ଵଚ୍ଛ, ସୁନ୍ଦର ଓ ସ୍ମରଣୀୟ ହୋଇ ପାରିବ ସେ ଦିଗରେ ସମସ୍ତେ ଯାତ୍ନ ବାନ ହେବାକୁ ବୈଠକ ରେ ଜିଲ୍ଲାପାଳ ଅନୁରୋଧ  କରିଥିଲେ l  ଆସନ୍ତା ଜାନୁୟାରୀ ୭ ତାରିଖ ରୁ ୧୧ ତାରିଖ ପର୍ଯ୍ୟନ୍ତ ହେବାକୁଥିବା ଏହି ମହୋତ୍ସବ ର ପ୍ରତିଦିନ ସଂଧ୍ୟା ରେ ହେବାକୁଥିବା ସାଂସ୍କୃତିକ କାର୍ଯ୍ୟକ୍ରମ ସଂପର୍କରେ ପୁଙ୍ଖାନୁପୁଙ୍ଖ ଆଲୋଚନା ହୋଇଥିଲା। ଶୁଭାରମ୍ଭ ଦିନ ମା ସୁରେଶ୍ଵରୀ ଙ୍କ ମନ୍ଦିର ଠାରୁ ଏକ ଥିଏଟର ମାର୍ଚ୍ଚ ରେ ଜିଲ୍ଲା ର  ଏକ ହଜାର କଳାକାର ଯୋଗ ଦେବାପାଇଁ ବୈଠକରେ ପ୍ରସ୍ତୁତି ପାଇଁ ନିଷ୍ପତ୍ତି  ହୋଇଥିଲା। ଏଥିପାଇଁ ପ୍ରତି ବ୍ଲକର କଳାକାର ସଂସ୍କୃତି ସଂଘ ର ଉପ ସଭାପତିଙ୍କୁ ଦାୟିତ୍ଵ ଦିଆଗଲା। ପ୍ରତି କାର୍ଯ୍ୟକ୍ରମ ରେ ଲୋକ ସଂସ୍କୃତି ଆଧାରିତ ଲୋକଗୀତ, ଲୋକନୃତ୍ୟ ଉପରେ ଗୁରୁତ୍ବ ଦିଆଯିବ। ପ୍ରତିଦିନ ପଶ୍ଚିମ ଓଡ଼ିଶାର ଜଣେ ଜଣେ ବିଶିଷ୍ଟ ଲୋକଗାୟକ ମାନଙ୍କୁ ସୁଯୋଗ ଦେବା ସହ ସୁବର୍ଣ୍ଣପୁର ଜିଲ୍ଲା ର  ଲୋକଗୀତ କଳାକାର ଙ୍କୁ ମଧ୍ୟ ଅଗ୍ରାଧିକାର ଦିଆଯିବାପାଇଁ ନିଷ୍ପତ୍ତି ହେଇଥିଲା। ଜିଲ୍ଲା ର ଲୁକ୍କାୟିତ ପ୍ରତିଭା ତଥା କଳା କୁ ପ୍ରାଥମିକତା ଦେବାପାଇଁ ପ୍ରସ୍ତାବ ନିଆଗଲା। ଆଜିର ଏହି ବୈଠକରେ ଅତିରିକ୍ତ ଜିଲ୍ଲାପାଳ ରାଜେନ୍ଦ୍ର ମାଝୀ, ଅଞ୍ଜଲିନା ପ୍ରଧାନ ବୀରମହାରାଜପୁର ଉପଜିଲ୍ଲାପାଳ ସୁରେନ୍ଦ୍ର ମେହେର,  ସୂଚନା ଓ ଲୋକସମ୍ପର୍କ ଅଧିକାରୀ ଅର୍ଜୁନ ମାଝୀ, ଜିଲ୍ଲା ସଂସ୍କୃତି ଅଧିକାରୀ ଜମୁନା ପ୍ରଧାନ, ନାଟ୍ୟଶ୍ରୀ ଗଦାଧର ବାରିକ, ଦିଲ୍ଲୀପ ପାତ୍ର,ସାସ୍ଵତ ତ୍ରିପାଠୀ, ଶ୍ରଦ୍ଧାଞ୍ଜଳି ମିଶ୍ର,ବେଣୀମାଧବ ବେଦବାକ, ମାନଭଞ୍ଜନ ମିଶ୍ର, ଦେବାଶିଷ ପଟ୍ଟନାୟକ,ଚୈ।ଧୁରୀ  ବିଭାର, ଅବିନାଶ ହୋତା, ରମେଶ ପ୍ରଧାନ , ସୁରେଶ ରଥ, ଶତୃଘ୍ନ ଲୁହା, ଉମେଶ କୁମ୍ଭାର, ନିରାକାର ଦେହେରୀ, ଲକ୍ଷ୍ମୀପ୍ରୀୟା ପାଣିଗ୍ରାହୀ ପ୍ରମୁଖ ବିଭିନ୍ନ ଆଲୋଚନା ରେ ଅଂଶଗ୍ରହଣ କରିଥିଲେ।