02-Dec-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ସୁବର୍ଣ୍ଣପୁର ଜିଲ୍ଲାର ଵ ବିଭିନ୍ନ ସ୍ଥାନରେ ବିଶ୍ୱ ଏଡସ ଦିବସ ପାଳିତ ହୋଇଯାଇଛି । ସୋନପୁର ବ୍ଲକ ଖମ୍ବେଶ୍ୱରୀପାଲି ସ୍ଥିତ ମା ମାହେଶ୍ୱରୀ ଉଚ୍ଚ  ମାଧ୍ୟମିକ ବିଦ୍ୟାଳୟରେ ବିଶ୍ଵ ଏଡସ୍ ଦିବସ ଅଧ୍ୟକ୍ଷା ସୁଶ୍ରୀ ସ୍ଵପ୍ନା ମହାପାତ୍ର ଙ୍କ ଅଧ୍ୟକ୍ଷତାରେ ପାଳିତ ହୋଇଯାଇଛି । ଅଧ୍ୟକ୍ଷା ସୁଶ୍ରୀ ମହାପାତ୍ର ଏଡସ ରୋଗର ଭୟାବହତା ଓ ସଚେତନତା ଉପରେ ଆଲୋକପାତ କରିବା ସହ ନିଜେ ସଚେତନ ରହି ଅନ୍ୟ କୁ ମଧ୍ୟ ସଚେତନ ରହିବା ପାଇଁ ଆହ୍ଵାନ  ଦେଇଥିଲେ। ଏହି ସଭାରେ ଅଧ୍ୟାପକ  ନାରାୟଣ ନାୟକ, ମମତା ଦାସ, ମାଧବୀ କର୍ମୀ, ଚୁମକି ନାୟକ ଓ ପ୍ରୀତି ମହାପାତ୍ର ଉପସ୍ଥିତ ଥିଲେ । YRC କାଉନସିଲର ମଦନ ମୋହନ ପୁଟେଲ  ମଞ୍ଚ ପରିଚାଳନା କରିଥିଲେ ଓ DEO ଶ୍ରବଣ ମିଶ୍ର  ଧନ୍ଯବାଦ ଅର୍ପଣ କରିଥିଲେ । ବିଶ୍ଵ ଏଡସ ଦିବସ ଉପଲକ୍ଷେ ଛାତ୍ରଛାତ୍ରୀ ଙ୍କୁ ନେଇ ଏକ ସଚେତନତା ମୂଳକ ପଦଯାତ୍ରା  କରାଯାଇଥିଲା ଓ ବିଭିନ୍ନ ପ୍ରତିଯୋଗିତା କରି କୃତି ଛାତ୍ରଛାତ୍ରୀ ମାନଙ୍କୁ  ସାଟିର୍ଫିକେଟ ଓ ଟ୍ରଫି ପ୍ରଦାନ କରାଯାଇଥିଲା । ସୁରେନ୍ଦ୍ର ମେହେର, ପିଣ୍ଟୁ ମେହେର, ସୁନୀଲ ସେଠି, ବିଘ୍ନେଶ୍ୱର ବାଘ ଓ  ସତ୍ୟନାରାୟଣ ବେହେରା ପ୍ରମୁଖ ସହୋଯାଗ କରିଥିଲେ । 
*ଲଛିପୁର* ସୋନପୁର ବ୍ଲକ ଲଛିପୁର ଗ୍ରାମ ପଞ୍ଚାୟତ ଉଚ୍ଚ ମାଧ୍ୟମିକ ବିଦ୍ୟାଳୟରେ ଯୁବ ରେଡକ୍ରସ୍ ତରଫରୁ ବିଶ୍ୱ ଏଡ଼ସ ଦିବସ ପାଳିତ ହୋଇଯାଇଛି । ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ଅରୁଣ କୁମାର ଷଡଙ୍ଗୀଙ୍କ ସଭାପତିତ୍ବରେ ଆୟୋଜିତ ଏହି ସଭାରେ ସ୍ଥାନୀୟ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରର ମେଡିକାଲ ଅଫିସର ଡା. ରାମ ପ୍ରସାଦ ପଣ୍ଡା ମୂଖ୍ୟ ଅତିଥି, ପ୍ରାଧ୍ୟାପକ ରମାକାନ୍ତ କର, ଅଧ୍ୟାପିକା  କଲ୍ୟାଣୀ ମିଶ୍ର, ପିଙ୍କି ଦାଶ ଏଡ଼ସ ଉପରେ ଏହାର ଅର୍ଥ, କାରଣ, ଲକ୍ଷଣ, ନିରାକରଣ ବିଷୟରେ ଅଭିଭାଷଣ ପ୍ରଦାନ କରିଥିଲେ । କଲ୍ୟାଣୀ ମିଶ୍ର ଏଡ଼ସ ସମ୍ବନ୍ଧୀୟ ଏକ ସୁନ୍ଦର କବିତା ଟିଏ ଆବୃତ୍ତି କରିଥଲେ । ଯୁବ ରେଡକ୍ରସ୍ ସଂଯୋଜକ ଦିଲୀପ ରଞ୍ଜନ ମିଶ୍ର ସଭାର ଉଦ୍ଦେଶ୍ୟ ଜ୍ଞାପନ କରି ଥିବାବେଳେ ଜନ୍ମେଜୟ ସ୍ୱାଇଁ ସଂଯୋଜନା କରିଥିଲେ । ପିଙ୍କି ଦାଶ ଧନ୍ୟବାଦ ଅର୍ପଣ କରିଥିଲେ । ସଭା ଶେଷରେ ଏକ ସଚେତନତା ରାଲି ଓ ହ୍ୟୁମାନ ଚେନ୍ ବିଦ୍ୟାଳୟର ଛାତ୍ର ଛାତ୍ରୀ ମାନଙ୍କ ଦ୍ୱାରା ଆୟୋଜିତ କରାଯାଇଥିଲା । ଶେଷରେ  ସଂପୃକ୍ତ ଏଡ଼ସ ବିଷୟରେ ତର୍କ ରଚନା ଓ ଚିତ୍ରାଙ୍କନ ପ୍ରତିଯୋଗିତାରେ ଅଂଶଗ୍ରହଣ କରିଥିବା କୃତି ଛାତ୍ରଛାତ୍ରୀ ମାନଙ୍କୁ ପୁରସ୍କାର ପ୍ରଦାନ କରାଯାଇଥିଲା । କାର୍ଯ୍ୟକ୍ରମକୁ ସଫଳ କରିବା ଦିଗରେ ଶମ୍ଭୁ ଭୂଷଣ ପଧାନ, କୁଶ ସାହୁ, ମୋହନ ସାହୁ, ହୃଷିକେଶ ପୋଡ଼ ଓ ତପସ୍ୱିନୀ ସାହୁ ସହଯୋଗ କରିଥିଲେ।
*ନାଇକେନପାଲି* ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ନାଇକେନପାଲି ପକ୍ଷରୁ ସୋମବାର ଦିନ ବ୍ଲକ ସ୍ୱାସ୍ଥ୍ୟ ବିଭାଗ ତରଫରୁ ବିଶ୍ୱ ଏଡ଼ସ୍ ଦିବସ ଗଙ୍ଗାଧର ମେହେର ଉଚ୍ଚ ବିଦ୍ୟାଳୟ, ସାଗରପାଲି ଠାରେ ଡାକ୍ତର ଚିତ୍ତରଞ୍ଜନ ତ୍ରିପାଠୀ, MO ଆୟୁଷ ଙ୍କ ଅଧ୍ୟକ୍ଷତାରେ  କାର୍ଯ୍ୟକ୍ରମ ଅନୁଷ୍ଠିତ ହେଇଥିଲା l ଉକ୍ତ କାର୍ଯ୍ୟକ୍ରମରେ ପ୍ରସନ୍ନ କୁମାର ସାହୁ, ସ୍କୁଲ ପ୍ରଧାନ ଶିକ୍ଷକ କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ l AIDs ଦ୍ଵାରା ଘଟୁଥିବା ରୋଗ ଗୁଡିକ ଯୁବ-ସମାଜରେ କିପରି ପ୍ରଭାବ ପକାଉଛି ଏବଂ ଏହାର ପ୍ରତିକାର ବିଷୟରେ ତାଲିମ ଦେଇଥିଲେ । ଡାକ୍ତର ତ୍ରିପାଠୀ ସମ୍ପୂର୍ଣ ଭାବରେ ଛାତ୍ର ଛାତ୍ରୀ ମାନଙ୍କୁ ବୁଝାଇ ଦେଇଥିଲେ  l  ଏହା ସମେତ ଡାକ୍ତର ଲୋପାମୁଦ୍ରା ପଧାନ MO ଆୟୁଷ, ଜନସ୍ୱାସ୍ଥ୍ୟ ସମ୍ପ୍ରସାରଣ ଅଧିକାରିଣୀ ନଳିନୀପ୍ରଭା ମେହେର ଏବଂ ଶାନ୍ତନୁ କୁମାର ମେହେର, ସୁପରଭାଇଜର ଙ୍କ ତତ୍ଵାବଧାନରେ ଉକ୍ତ ତାଲିମ ଅନୁଷ୍ଠିତ ହୋଇଥିଲା l ହାଇସ୍କୁଲ ର ଛାତ୍ର/ଛାତ୍ରୀ ମାନଙ୍କ ସହଯୋଗ ରେ ସଚେତନତା କାର୍ଯ୍ୟକ୍ରମ ଏବଂ ରାଲି ର କାର୍ଯ୍ୟକ୍ରମ ଆୟୋଜନ କରାଯାଇଥିଲା l ଏହା ସମେତ ବିଦ୍ୟାଳୟରେ କାର୍ଯ୍ୟରତ ସମସ୍ତ ଶିକ୍ଷକ ବୃନ୍ଦ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରିଥିଲେ  ।