02-Dec-2025

ବିନିକା(ହିମାଂଶୁ ଶେଖର ପୁଟେଲ) ଏ ଅଞ୍ଚଳର ପ୍ରସିଦ୍ଧ ଶୈବପୀଠ ବିନିକା ବ୍ଲକ ଅନ୍ତର୍ଗତ ଚରଦା ବାବା କପିଳେଶ୍ୱର ପୀଠରେ ଆସନ୍ତାକାଲି ବୁଧବାର ୬୩ତମ ଗୀତା ଜୟନ୍ତୀ ପାଳନ ନେଇ ଆଜି କଳସ ଶୋଭାଯାତ୍ରା ଅନୁଷ୍ଟିତ ହୋଇଯାଇଛି।ଦୀର୍ଘ ୧୨ବର୍ଷ ପରେ କମିଟି ପକ୍ଷରୁ ନବକୁଣ୍ଡିୟ ଗୀତା ଜୟନ୍ତୀ ପୂଜାର୍ଚ୍ଚନା ଏଥର ଆୟୋଜନ ହେଉଛି ।ପ୍ରଥମେ ପୂଜା ମଣ୍ଡପରେ ସମସ୍ତ କର୍ତ୍ତା ମାନଙ୍କୁ ସଂକଳ୍ପ କରାଯିବା ପରେ କପିଳେଶ୍ୱର ମନ୍ଦିର ପୋଖରୀରୁ ପୁଣ୍ୟ କଳସ ପାଣି ଭର୍ତ୍ତି କରାଯାଇଥିଲା। ତତ୍ଵ ପରେ ଘଣ୍ଟ ଶଙ୍ଖ ହୁଳହୁଳି ଧ୍ବନି ସହ କିର୍ତନ୍ୟର ତାଳେ ତାଳେ ଶତାଧିକ ମହିଳା ଶୋଭାଯାତ୍ରାରେ ଗ୍ରାମ ପରିକ୍ରମା କରି ମନ୍ଦିରକୁ ଫେରି କଳସ ସ୍ଥାପନ କରିଥିଲେ।ଗୀତା ଜୟନ୍ତୀ ଅବସରରେ ବ୍ରହ୍ମ ସମାଜ ପକ୍ଷରୁ ପୀଠରେ ଯଜ୍ଞ ମନ୍ତ୍ର ପାଠ ସହ ଭାଗବତ ପଠନ କାର୍ଯ୍ୟକ୍ରମ ଅନୁଷ୍ଟିତ ହେବ। ଗୀତା ଜୟନ୍ତୀ ପାଇଁ ଶୈବପୀଠରେ ପ୍ରବଳ ଶ୍ରଦ୍ଧାଳୁ ଭକ୍ତ ଓ ଆଧ୍ୟାତ୍ମିକ ପ୍ରେମୀଙ୍କ ଭିଡ଼ ପରିଲକ୍ଷିତ ହେବାର ଆଶା କରାଯାଉଛି।ଏଥିରେ କର୍ତ୍ତା ଭାବେ ଜବଦା ଗ୍ରାମର ପ୍ରମୋଦ ପଣ୍ଡା ଓ ତାଙ୍କ ଧର୍ମପତ୍ନୀ ରିତା ପଣ୍ଡା,କଇନ୍ତରା ଗ୍ରାମର ପ୍ରେମରାଜ ପତି ଓ ରଞ୍ଜିତା ପତି,ଭଣ୍ଡାର ଗ୍ରାମର ସୁରଥ ପତି ଓ ଝରଣା ପତି,ଶଙ୍କରା ଗ୍ରାମର ବିକ୍ରମାଦିତ୍ୟ ଶତପଥୀ ଓ ସୁସ୍ମିତା ଶତପଥୀ, ସିଲାଟି ଗ୍ରାମର କୃତାର୍ଥ ପୁରୋହିତ ଓ ସସ୍ମିତା ପୁରୋହିତ,ଘୋଡାଧର ଗ୍ରାମର ମନୋଜ ପୂଜାହାରୀ ଓ ପ୍ରମିଳା ପୁଜାହାରୀ,କୌଡ଼ିଆମୁଣ୍ଡା ଗ୍ରାମର ଦୀନବନ୍ଧୁ ନାୟକ ଓ ଅନସୁୟା ନାୟକ,ସେଲେଡି ଗ୍ରାମର ସନ୍ତୋଷ ତ୍ରିପାଠୀ ଓ ତପସ୍ଵିନୀ ତ୍ରିପାଠୀ,ଘୋଡାଧାର ଗ୍ରାମର ନରସିଂହ ପୂଜାହାରୀ ଓ ଶାନ୍ତିଲତା ପୂଜାହାରୀ ପ୍ରମୁଖ କର୍ତ୍ତା ଦାୟିତ୍ଵ ନିର୍ବାହ କରୁଛନ୍ତି।ଏହି କଳସ ଶୋଭାଯାତ୍ରା ରେ କମିଟି ସଭାପତି ସୋମିତ୍ରି ପତି,ଉପ ସଭାପତି ଗୋପାଳଜି ହୋତା,ସମ୍ପାଦକ ହୃଷୀକେଶ ହୋତା,ସହ ସମ୍ପାଦକ ଅଜିତ ଦାଶ,କୋଷାଧ୍ୟକ୍ଷ ନିରଞ୍ଜନ ପଣ୍ଡା ପ୍ରମୁଖଙ୍କ ସମେତ କମିଟି କର୍ମକର୍ତ୍ତା ଏବଂ ଆଖ ପାଖ ଅଞ୍ଚଳରୁ ବହୁ ଭକ୍ତ ସାମିଲ ହୋଇଥିଲେ।