02-Nov-2025

ଡୁଙ୍ଗୁରିପାଲି, (ପ୍ରେରଣା ଖବର) : ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ୍ ଅନ୍ତର୍ଗତ ପଞ୍ଚାୟତ ଉଚ୍ଚ ବିଦ୍ୟାଳୟ  ମାୟାବର୍ହା ଠାରେ ବିଦ୍ୟାଳୟ ର ପ୍ରଧାନ ଶିକ୍ଷକ ଡ.ରବିଚନ୍ଦ୍ର ପଶାୟତଙ୍କ ଅଧ୍ୟକ୍ଷତାରେ  ରାଷ୍ଟ୍ରିୟ ଏକତା ଦିବସ ପାଳିତ ହୋଇ ଯାଇଛି l ପ୍ରାକ୍ତନ ପ୍ରଧାନଶିକ୍ଷକ ମନୋଜ କୁମାର ପୁଝାରୀ, ଇଂରାଜୀ ଶିକ୍ଷକ ସମ୍ପଦ ଖମାରୀ, ହିନ୍ଦୀ ଶିକ୍ଷକ ନନ୍ଦିଘୋଷ ବାରିକ ଦିବସର ଗୁରୁତ୍ୱ ବିଷୟରେ ମତବ୍ୟକ୍ତ କରିଥିଲେ। କାର୍ଯ୍ୟକ୍ରମକୁ  ଖେଳ ଶିକ୍ଷକ ଚିନ୍ମୟ କୁମାର ଦାସ ସଂଯୋଜନା କରିଥିଲେ।  ନବମ ଏବଂ ଦଶମ ଶ୍ରେଣୀର ଛାତ୍ର ଛାତ୍ରୀ ପୂଜାରାଣୀ ଦୀପ, ଝରଣା ସାହୁ , ଆଭା ସାହୁ , ପ୍ରୀତି ପଧାନ , ଆୟୁସୀ ନାଏକ , ଆକାଶ ସାହୁ , ରାଷ୍ଟ୍ରୀୟ ଏକତା ଦିବସ ଉପରେ  ପାୱାର ପଏଣ୍ଟ ପ୍ରସ୍ତୁତ କରି  ଲୌହ ମାନବ ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ଜୀବନ ସମ୍ପର୍କିରେ ଆଲୋଚନା କରିଥିଲେ । ନବମ ଶ୍ରେଣୀର ଛାତ୍ରୀ ପାୟଳ ବିଶ୍ୱକର୍ମା ଓ ଦୀପ୍ତିଶିଖା ବାଗ ସର୍ଦ୍ଦାର ବଲ୍ଲଭଭାଇ ପଟେଲ ଙ୍କ ଫଟୋ ଚିତ୍ର ଅଙ୍କନ କରି ପୁରସ୍କୃତ ହୋଇଥିଲେ । ଏଥି ସହିତ ଛାତ୍ରଛାତ୍ରୀ ମାନଙ୍କ ମଧ୍ୟରେ କୁଇଜ ଓ  ପ୍ରବନ୍ଧ ପ୍ରତିଯୋଗିତା ଆୟୋଜନ କରାଯାଇ ଥିଲା ।

ନବମ ଶ୍ରେଣୀର ଛାତ୍ରୀ ଶ୍ରୀମୟୀ ସେଠ୍ ଦେଶାତ୍ମବୋଧ ସଙ୍ଗୀତ ପରିବେଷଣ କରିଥିବା ବେଳେ ସଂସ୍କୃତ ଶିକ୍ଷକ ରାଜୁ ମେହେର ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମକୁ କିରନ ପଟେଲ, ସ୍ନିଗ୍ଧା ପଧାନ, ସଂଜୀବ ପୂଜାରୀ , ବିଭିଷଣ ଖମାରୀ, ମୀନକେତନ ଦାସ , ସୁରଜ ଖମାରୀ , ସମୀର କଠାର, ସୂର୍ଯ୍ୟକାନ୍ତି କାଣ୍ଡ , ସୌଭାଗିନୀ ସାହୁ  ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ।