01-Nov-2025

ସୁବର୍ଣ୍ଣପୁର ( ମନୋରଞ୍ଜନ ତ୍ରିପାଠୀ)
ରାମଧୁନ କ୍ଲବ ମଝିପଡ଼ା ସୋନପୁର ଦ୍ୱାରା ଆରମ୍ଭ ହୋଇଥିବା କାଳୀପୂଜା ମହୋତ୍ସବ ଗତକାଲି ବିଳମ୍ବିତ ରାତ୍ରିରେ ଉଦଯାପିତ ହୋଇଯାଇଛି l ମାଁ ଙ୍କୁ ଅତ୍ୟନ୍ତ ଭାବାବେଗ ସହିତ ଅନୁଷ୍ଠାନ ର ସମସ୍ତ ସଦସ୍ୟ ସୁସଜ୍ଜିତ ଟ୍ରାକଟର ରେ ମାଁଙ୍କୁ ପୂଜା ମଣ୍ଡପ ରୁ ବିଦାୟ ଦେଇଥିଲେ l ଏହି ଅବସରରେ ବିଜୁ ପଟ୍ଟନାୟକ ଛକ ଠାରେ ହଜାର ହଜାର ଭକ୍ତ ଓ ମହିଳା ମାନଙ୍କ ଗହଣରେ ମହାଆଳତୀ ଦିଆଯିବା ସହ ଅତ୍ୟନ୍ତ ଆକର୍ଷଣୀୟ ଲାଇଟ ସୋ ପ୍ରଦର୍ଶନ କରାଯଇଥିଲା l ବିଭିନ୍ନ ପାରମ୍ପରିକ ବାଦ୍ୟ, ଡ଼ିଜେ, ରନିଙ୍ଗ ମେଲୋଡି, ଦୂଲଦୁଲି ମାଧ୍ୟମରେ ନୃତ୍ୟ ଗୀତ ର ତାଳେ ତାଳେ ବିରାଟ ଶୋଭାଯାତ୍ରା ସହିତ ମହାନଦୀ ର ଦଶମତି ଘାଟ ଠାରେ ମେଲାଣି ଦିଆ ଯାଇଥିଲା l ବିଜୁ ପଟ୍ଟନାୟକ ଛକ ଠାରେ ଅନୁଷ୍ଟିତ ମହା ଆଳତୀ ଓ ଲାଇଟ୍ ସୋ କାର୍ଯ୍ଯ କ୍ରମ ରେ ସମାଜ ସେବୀ ଶ୍ରୀବତ୍ସ ମଲ୍ଲିକ ଯୋଗ ଦେଇ ଲାଇଟ୍ ସୋ କାର୍ଯ୍ଯ କ୍ରମ କୁ ବଟମ୍ ଟିପି ଉଦଘାଟନ କରିଥିଲେ l ଏହି ସମସ୍ତ କାର୍ଯ୍ୟକ୍ରମ କୁ ଅତ୍ୟନ୍ତ ଶାନ୍ତି ଶୃଙ୍ଖଳା ସହ ଅନୁଷ୍ଠାନ ର ସମସ୍ତ କର୍ମକର୍ତ୍ତା ଦାୟିତ୍ୱ ନିଭାଇ ଥିଲେ l ପୂଜା କମିଟି ସଭାପତି ପୁରେନ୍ଦ୍ର ନାଏକ, ସଂପାଦକ ସୁରଜ୍ ସାହୁ, କୋଷାଧ୍ୟକ୍ଷ ବୁବୁନ ନାଏକ ଓ ରାମଧୁନ କ୍ଲବ ର ସମ୍ପାଦକ ପିୟୁଷ କୁମାର ପଣ୍ଡା ଙ୍କ ତତ୍ବବୋଧନ ରେ ଏହି କାଯ୍ୟକ୍ରମ ଅନୁଷ୍ଠିତ ହୋଇଥିଲା l ସକ୍ରିୟ ସଦସ୍ୟ  ଲଡ଼ୁ କିଶୋର ମଲ୍ଲିକ, କମଳା କାନ୍ତ ସାହୁ,ବିକାଶ ପଣ୍ଡା, ସତ୍ୟ ନାରାୟଣ ଦରୁୱାନ,ଦିଲ୍ଲୀପ ସାହୁ, ରିପୁନ୍ ନାଏକ, ଶ୍ରୀକାନ୍ତ ନାଏକ, ସିପୁନ ନାଏକ, ରଞ୍ଜୁ ସାହୁ,ଅମିତ୍ ସାହୁ,ରଜତ ସାହୁ , ବାଳ ଗୋପାଳ ମିଶ୍ର, ଜଗନ୍ନାଥ ସାହୁ, ଆକାଶ ମିଶ୍ର,ମଦନ ସାହୁ, ଅଙ୍କିତ ଦାସ, ମିଡ଼ିଆ କୋଡିନେଟର ମନୋରଞ୍ଜନ ତ୍ରୀପାଠୀ ସମେତ ସମସ୍ତ ପ୍ରମୁଖ ସଦସ୍ୟ ଉପସ୍ଥିତ ଥିଲେ l ଶାନ୍ତି ଶୃଂଖଳା ରକ୍ଷା ବ୍ୟବସ୍ଥା ଓ ସମସ୍ତ ସହଯୋଗ ପାଇଁ ପୋଲିସ ପ୍ରଶାସନ ଓ ପବ୍ଲିକ କୁ କମିଟି ପକ୍ଷରୁ ସାଧୁବାଦ୍ ଜଣାଇଛନ୍ତି l