27-Oct-2025

ଆଗଲପୁର, (ବିନୋଦ ଦୀପ) ଆଗଲପୁର ବ୍ଲକ ଅଧିନସ୍ଥ ଝରଣିପାଲି ପଞ୍ଚାୟତ ରେ ପଞ୍ଚାୟତ ସ୍ତରୀୟ ଜନ ଶୁଣାଣୀ ଶିବିର ଅନୁଷ୍ଠିତ ହୋଇ ଯାଇଛି। ଏହି ଶିବିର ସକାଳ 10 ଟା ରୁ ଆରମ୍ଭ ହୋଇ 12.30 ପର୍ଯ୍ୟନ୍ତ ଚାଲିଥିଲା।ସରପଞ୍ଚ ଶ୍ରୀମତୀ ସୁନିତା ସାହୁ ଙ୍କ ତତ୍ୱାବଧାନ ରେ  ଆଜିର ଜନ ଶୁଣାଣୀ ଶିବିର ପରିଚାଳିତ ହୋଇଥିଲା। ଉକ୍ତ ଶିବିର ଟି ସ୍ଥାନୀୟ ରାଜୀବ ଭବନ ଠାରେ  ଅନୁଷ୍ଠିତ ହୋଇଥିଲା l ଆଗଲପୁର ପଞ୍ଚାୟତ ସମିତି ର ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ମହାପାତ୍ର କୁଲଦୀପ ମହାନ୍ତି ଯୋଗଦେଇ ସ୍ଥାନୀୟ ଲୋକଙ୍କ ସମସ୍ୟା ତଥା ଅଭିଯୋଗ ଫର୍ଦ୍ଦ ଗ୍ରହଣ କରିଥିଲେ। ତାଙ୍କ ସହିତ ଆଗଲପୁର ଗୋଷ୍ଠୀ ସ୍ବାସ୍ଥ୍ୟ ଅଧିକାରୀ ଶ୍ରୀ ଧୀରେନ୍ଦ୍ର ମେହେର  ମଧ୍ୟ ଉପସ୍ଥିତ ଥିଲେ। ସ୍ବାସ୍ଥ୍ୟ ଓ ପରିମଳ ଯନ୍ତ୍ରୀ ଶ୍ରୀ ବିଭୁତିଭୂଷଣ ସାମଲ, ମନରେଗା ଅଧିକାରୀ ମିସ୍ ଜଗତ ଜୀତା ସେଠୀ, ଆବାସ ଗୃହ ଅଧିକାରୀ ଶ୍ରୀ ଅଭି ସାହୁ, ଦେବାଶିଷ ବେହେରା, ବୈକୁଣ୍ଠ ଜଗତ, ସତ୍ୟବତୀ ମିଶ୍ର, ଯନ୍ତ୍ରୀ ପ୍ରଶାନ୍ତ ଗୁରୁ, ଅଜିତ କୁମାର ପଟେଲ, ଅନିରୁଦ୍ଧ ଭୋଇ ସର୍ବେଶ୍ୱର ପୁଟେଲ, ଏଡିଈଓ ବିମ୍ବାଧର କର୍ତ୍ତୀ, ଅଂଶୁମାନ ଦେବବାବୁ, ସଞ୍ଜୟ କୁମାର ପଣ୍ଡା ପ୍ରଭୃତି ଅଧିକାରୀ ଉପସ୍ଥିତ ଥିଲେ।  ଆଜିର ଜନ ଶୁଣାଣୀ ଶିବିର ରେ ସର୍ବ ମୋଟ୍ 20  ଟି ଅଭିଯୋଗ ଫର୍ଦ୍ଦ ଦାଖଲ ହୋଇଥିବା ପଞ୍ଜିକରଣ ଅଧିକାରୀ ଶ୍ରୀ ଆଲୋକ ରଞ୍ଜନ ମିଶ୍ରସୂଚନା ଦେଇଛନ୍ତି। ସମସ୍ତଙ୍କ ଅଭିଯୋଗ କୁ ଦୃଷ୍ଟିରେ ରଖି ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ମହାପାତ୍ର କୁଲଦୀପ ମହାନ୍ତି ଆଗାମୀ ଦିନରେ ଉକ୍ତ ସମସ୍ୟାର ସମାଧାନ ଦିଗରେ ପଦକ୍ଷେପ ନେବେ ବୋଲି ଅଭିଯୋଗ କାରୀଙ୍କ ଦୃଷ୍ଟି ଆକର୍ଷଣ କରିଥିଲେ। ତା ସହିତ ପଞ୍ଚାୟତ ର ସମସ୍ତ କର୍ମଚାରୀ ସହଯୋଗ କରିଥିଲେ। ଶାନ୍ତି ଶୃଙ୍ଖଳା ର ସହିତ ଆଜିର ଜନ ଶୁଣାଣୀ ଶିବିର ସମ୍ପନ୍ନ ହୋଇଥିବା ଦେଖିବାକୁ ମିଳିଛି l