25-Oct-2025

ସୁବର୍ଣ୍ଣପୁର( ମନୋରଞ୍ଜନ ତ୍ରିପାଠୀ)
 ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ନଙ୍ଗଳକଣ୍ଟା ଗ୍ରାମବାସୀ ରାଇସ ମିଲ ବନ୍ଦ ଦାବୀ ରେ ଆଜି ସକାଳ ୬ ଟା ରୁ ଡୁଙ୍ଗୁରିପାଲି- ରାମପୁର  ମୁଖ୍ୟ ରାସ୍ତା ନଙ୍ଗଳକଟା ଠାରେ ରାସ୍ତା ରୋକ କରିଥିଲେ l ଏହି ଗ୍ରାମ ର ରାସ୍ତା ପାର୍ଶ୍ବରେ ଏକ ରାଇସମିଲ ନିର୍ମାଣ ଓ ଏହା କୁ  କାର୍ଯ୍ୟକାରୀ କରିବାକୁ ଚେଷ୍ଟା ଚାଲିଛି l  ଯା ଦ୍ବାରା କି ନିକଟସ୍ଥ  ଡ଼ାକ୍ତରଖାନା ସେବା  କାର୍ଯ୍ଯ ରେ ବ୍ୟାଘାତ ହେବା ଓ ଏହା ଜନ ଗହଳି ପୂର୍ଣ୍ଣ ରାସ୍ତା ଥିବା ଯୋଗୁଁ ବଡ ଗାଡି ମଟର ଯାତାୟାତ ଓ ବାୟୁ ଜଳ ପରିବେଶ ପ୍ରଦୂଷଣ ଦ୍ଵାରା ଜନ ସାଧାରଣ ଅନେକ ଅସୁବିଧା ଭୋଗିବା ଆଶଙ୍କା ନେଇ ସଧାରଣ ଲୋକେ ନାନା ଅସୁବିଧା ଭୋଗିବେ ବୋଲି ପ୍ରକାଶ କରିଛନ୍ତି ସ୍ଥାନୀୟ ଲୋକେ l ତେଣୁ  ଏହି ରାଇସମିଲ ନିର୍ମାଣ କୁ ସମ୍ପୂର୍ଣ୍ଣ ଭାବେ ବନ୍ଦ କରିବାକୁ ଦାବି କରି ଗ୍ରାମବାସୀ ରାସ୍ତାରୋକ କରିବା ସହ ଧାରଣାରେ ବସିଥିଲେ  l ଯାହା ଫଳରେ ଆଜି ରାସ୍ତା ର ଉଭୟ ପାର୍ଶ୍ୱରେ ଶହ ଶହ  ଗାଡ଼ି ମଟର ଅଟକି ରହିଥିଲା । ଏ ଖବର ପାଇବା ପରେ ସୁବର୍ଣ୍ଣପୁର ଜିଲ୍ଲାପାଳ ଡ଼ .ନୃପରାଜ ସାହୁ ଓ ଏସପି ନାରାୟଣ ନାୟକ ଘଟଣା ସ୍ଥଳରେ ପହଞ୍ଚି ସମାଧାନ ର ବାଟ ଲାଗି ଆନ୍ଦୋଳନକାରୀଙ୍କ  ସହ ଆଲୋଚନା କରିଥିଲେ। ରାସ୍ତା ରେ ଟେଣ୍ଡ ଗାଡିବା ଏକ ଜଘନ୍ୟ ଅପରାଧ ବୋଲି ଜିଲ୍ଲାପାଳ ଏସପି ପ୍ରକାଶ କରି ସାତ ଦିନ ଭିତରେ ଏ ସମସ୍ୟା ର ସମାଧାନ ପାଇଁ ପ୍ରତିଶୃତି ଦେବା ପରେ ରାସ୍ତାରୋକ ପ୍ରତ୍ୟାହୃତ ହୋଇଥିବା ସୂଚନା ମିଳିଛି l ପ୍ରକାଶ ଥାଉ କି ଯେ ଏହା ର ନିର୍ମାଣ ଆରମ୍ଭରୁ ଜିଲ୍ଲା ପ୍ରଶାସନ କୁ ଅନେକ ଥର ସ୍ଥାନୀୟ ଲେକେ ଓ ବୁଦ୍ଧିଜୀବୀ ଅଭିଯୋଗ କଲା ପରେ ବି କୌଣସି ସୁଫଳ ମିଳି ନ ଥିବା ବେଳେ ନୂତନ ଜିଲ୍ଲାପାଳ ଙ୍କ ହସ୍ତକ୍ଷେପ ପରେ ଏହାର କିଛି ସମାଧାନ ର ବାଟ ଫିଟିବ ବୋଲି ଏ ଅଞ୍ଚଳ ବାସୀ ଆଶାବାଦୀ ଅଛନ୍ତି l