23-Oct-2025

ବିନିକା(ହିମାଂଶୁ ଶେଖର ପୁଟେଲ)ଅନୁଷ୍ଠାନ ନା ରେ ଥିବା ଜମିକୁ କିପରି ଦଖଲ ପାଇଁ ଦିଆଗଲା ଏବଂ ଦଖଳକାରୀଙ୍କୁ କିପରି ସେହି ଜମିର ପଟ୍ଟା ମିଳିଲା ତାହା ଏବେ ପ୍ରଶ୍ନବାଚୀ ସୃଷ୍ଟି କରିଥିବା ବେଳେ ଏଥିରେ କୁଆଡେ ରାଜସ୍ବ ବିଭାଗର କେତେକ ଦୁର୍ନୀତି ଖୋର କର୍ମଚାରୀଙ୍କ ହାତ ରହିଛି ବୋଲି ସାଧାରଣରେ ଆଲୋଚନା ହେଉଥିବା ଶୁଣିବାକୁ ମିଳୁଛି।ଯାହା ଫଳରେ ମିଳିଥିବା ଲୋକଙ୍କ ଠାରୁ ଉକ୍ତ ପଟ୍ଟାକୁ ତୁରନ୍ତ ଖାରଜ କରିବା ନେଇ ଆଜି ଶତାଧିକ ଲୋକ ଏକ ଶୋଭାଯାତ୍ରାରେ ବିନିକା ତହସିଲ କାର୍ଯ୍ୟାଳୟକୁ ଆସିତହସିଲଦାରଙ୍କ ଜରିଆରେ ମାନ୍ୟବର ମୁଖ୍ୟମନ୍ତ୍ରୀଙ୍କ ନିକଟକୁ ଏକ ଦାବିପତ୍ର ପ୍ରଦାନ କରିଛନ୍ତି।ଘଟଣାରୁ ପ୍ରକାଶ ଯେ ବିନିକା ବ୍ଲକ ଅନ୍ତର୍ଗତ ସିନ୍ଦୂରପୁର ଠାରେ ୧୯୮୦ମସିହାରେ ଗୋପାଳଜୀ ହାଇସ୍କୁଲ ଆରମ୍ଭ ହେଲା ।ସ୍କୁଲ ଚଳାଇବାକୁ ନେଇ ଦେଖା ଦେଇଥିବା ଆର୍ଥିକ ସଙ୍କଟ ଦୂର ପାଇଁ ଏକ ସରକାରୀ ପ୍ଲଟ ଦଖଲ କରି ଚାଷ କରାଗଲା ସେଥିରୁ ଯାହା ବି ଉପାର୍ଜନ ହେଲା ସ୍କୁଲ କାମରେ ଲାଗିଲା। ପରବର୍ତ୍ତୀ ସମୟରେ ଦାଖଲ ପ୍ଲଟ ଚକବନ୍ଦୀ କୁ ଗଲା ଓ ୧୪୫୦ପ୍ଲଟ ନାମରେ ଖାତାରେ ରହିଲା ଯାହାକି ୨୦୨୫ ରବି ଚାଷ ପର୍ଯ୍ୟନ୍ତ ଅଧୀନରେ ରହିଥିଲା ।ଇତି ମଧ୍ୟରେ ସିନ୍ଦୂରପୁର ଆର ଆଇ ଖରିଫ ଚାଷ ନକରିବାକୁ ମନା କରି ଗତ ୨୭/୭/୨୦୨୫ରେ ଅମିନ କୁ ଉକ୍ତ ସ୍ଥାନକୁ ପଠାଇ ଦଖଲ ଦେବାକୁ ନିର୍ଦ୍ଦେଶ ଦେଇଥିଲେ।ହାଇସ୍କୁଲ ପରିଚାଳନା କମିଟି ପୂର୍ବତନ ସମ୍ପାଦକ ଉକ୍ତ ବିଷୟରେ ଜାଣିବା ପରେ କୁଆଡେ ଆର ଆଇ ଓ ଅମିନ ଦଖଲକାରିଙ୍କୁ ଜମି ନଦେଇ ଫେରାଇ ଦେଇଥିଲେ। ତାର କିଛିଦିନ ପରେ ଉକ୍ତ ପ୍ଲଟ କୁ ୧୨ଜଣଙ୍କୁ ଦଖଲ ଦେଇଥିବା ପ୍ରକାଶ କରିଥିଲେ ।ତେବେ ଏନେଇ ପୁଙ୍ଖାନୁପୁଙ୍ଖ ଭାବରେ ତର୍ଜମା କଲାପରେ ପ୍ଲଟ ରେ ଥିବା ଜମି ଦଖଲ ସମ୍ପୂର୍ଣ୍ଣ ବେଆଇନ ହୋଇଛି। ଯାହାକି ଯେଉଁ ବ୍ୟକ୍ତି ବିଶେଷ ଙ୍କୁ ଉକ୍ତ ପ୍ଲଟରେ ଜମି ଦିଆଯାଇଛି ସେହି ବ୍ୟକ୍ତି ମାନେ ପୂର୍ବରୁ ସରକାରୀ ଘର ପାଇଛନ୍ତି ପୁଣି କେତେକ ସରକାରୀ ଜମି ଦଖଲରେ ରହି ଆସୁଛନ୍ତି। ତେଣୁ ପ୍ରକୃତ ତଦନ୍ତ କରାଯିବା ସାଙ୍ଗକୁ ବିନା ଦସ୍ତାବିଜ ରେ  ତିଆରି ହୋଇଥିବା ସମସ୍ତ ପଟ୍ଟା କୁ ଖାରଜ  କରାଯାଇ ହାଇସ୍କୁଲରୁ ଜମି ହସ୍ତାନ୍ତର କରିବା ଦିଗରେ ପଦକ୍ଷେପ ନେବାକୁ ଦାବିପତ୍ରରେ ଉଲ୍ଲେଖ ରହିଛି। ଗ୍ରାମର ସଚେତନ ନାଗରିକ ରାମଦାସ ପଣ୍ଡାଙ୍କ ନେତୃତ୍ୱରେ ଶତାଧିକ ଲୋକ ବେନର,ପ୍ଳା କାର୍ଡ ସହ ସ୍ଲୋଗାନ ଦେଇ ଏକ ଶୋଭାଯାତ୍ରାରେ ବିନିକା ସହର ପରିକ୍ରମା କରି ସ୍ଥାନୀୟ ତହସିଲ କାର୍ଯ୍ୟାଳୟକୁ ପହଞ୍ଚିଥିଲେ।