11-Mar-2025

ନୂଆପଡ଼ା (ପରମେଶ୍ୱର ମେହେର): ନୂଆପଡା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ ସିଙ୍ଗଝର କ୍ଲଷ୍ଟରସ୍ତରୀୟ ସମସ୍ତ ପ୍ରାଥମିକ ବିଦ୍ୟାଳୟର ଏଫ୍ଏଲ୍ଏନ୍ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ନେଇ କ୍ଲଷ୍ଟରସ୍ତରୀୟ ନିପୁଣ ଓଡିଶା ମେଳା ସ୍ଥାନୀୟ ସୋନବରଷା ପ୍ରାଥମିକ ବିଦ୍ୟାଳୟରେ ଅନୁଷ୍ଠିତ ହୋଇଯାଇଛି l ଉକ୍ତ କାର୍ଯ୍ୟକ୍ରମ ସିଙ୍ଗଝର ସିଆରସିସି  ଜୟକୃଷ୍ଣ ଯୋଶୀଙ୍କ ସଭାପତିତ୍ୱରେ ହୋଇଥିବାବେଳେ ଏଥିରେ ମୁଖ୍ୟ ଅତିଥି ଭାବରେ ସିଙ୍ଗଝର ଗ୍ରାମ ପଞ୍ଚାୟତର ସରପଞ୍ଚ କହଁଲ ସିଂ ବାଗ, ମୁଖ୍ୟବକ୍ତା ଭାବରେ ସିନାପାଲି ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ପ୍ରଦୀପ ପଣ୍ଡା , ସମ୍ମାନିତ ଅତିଥି ଭାବରେ ବ୍ରାହ୍ମଣୀଗୁଡା ସିଆରସିସି ଖଗେଶ୍ୱର ନିଆଲ , କଏଁଟପଦର ସିଆରସିସି  ଦେବେନ୍ଦ୍ର ସୁନାନୀ, ପ୍ରଧାନଶିକ୍ଷକ ବିଜୟ କୁମାର ଯୋଶୀ ଓ ସ୍ଥାନୀୟ ବିଦ୍ୟାଳୟର ପରିଚାଳନା ସଭାପତି ଟିକେଲାଲ ରାଉତ ମଞ୍ଚାସୀନ ଥିଲେ l ଏଥିରେ ପ୍ରାୟ ୫୦ରୁ ଉର୍ଦ୍ଧ୍ୱ ଶିକ୍ଷକ ସାମଗ୍ରୀ ପ୍ରସ୍ତୁତ କରି ଛାତ୍ରଛାତ୍ରୀ ପ୍ରଦର୍ଶନ କରିଛନ୍ତି l ଅତିଥିଗଣ ସମସ୍ତ ଛାତ୍ରଛାତ୍ରୀଙ୍କୁ ଏହି ମେଳାର ଲକ୍ଷ୍ୟ ଓ ଉଦ୍ଦେଶ୍ୟ ବିଷୟରେ ସମସ୍ତଙ୍କୁ ବାର୍ତ୍ତା ପ୍ରଦାନ କରିଥିଲେ l ଏହି ମେଳାରେ ମୌଳିକ ସାକ୍ଷରତା ଓ ସଂଖ୍ୟା ଜ୍ଞାନ ଉପରେ ଆଲୋଚନା ହୋଇଥିଲା ଓ ସମସ୍ତଙ୍କୁ ମାନପତ୍ର ସହ ପୁରସ୍କୃତ କରାଯାଇଥିଲା  l ଏହି କାର୍ଯ୍ୟକ୍ରମକୁ ସିଙ୍ଗଝର ଉଚ୍ଚ ପ୍ରାଥମିକ ବିଦ୍ୟାଳୟର ବରିଷ୍ଠ ଶିକ୍ଷକ ଗୌତମ ମେହେର ପରିଚାଳନା କରିଥିବାବେଳେ  ପଦ୍ମଲୋଚନ ନାୟକ ଧନ୍ୟବାଦ ଅର୍ପଣ କରିଥିଲେ l ଏଥିରେ ଶିକ୍ଷକ ସଞ୍ଜୟ କୁମାର ବୈଠାରୁ , ଲଳିତ ମାଝୀ , ପ୍ରସନ୍ନ ସାହୁ ସମେତ କ୍ଲଷ୍ଟରର ସମସ୍ତ ଶିକ୍ଷକ ଶିକ୍ଷୟିତ୍ରୀ ସହଯୋଗ କରିଥିଲେ  l