10-Mar-2025

କଣ୍ଟାମାଳ: ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ହାଇସ୍କୁଲ ପଡିଆରେ ଦୁଇଦିନ ଧରି ଚାଲିଥିବା ପ୍ରଥମ କଣ୍ଟାମାଳ ମହୋତ୍ସବ ଆଜି ଅନ୍ତିମ ଦିବସରେ ଫୁଲବାଣୀର ଝାଙ୍ଗିଡ଼ି ନୃତ୍ୟ ଶହ ଶହ ଦର୍ଶକଙ୍କ ମନକୁ ମନ୍ତ୍ରମୁଗ୍ଧ କରି ବିଳମ୍ବିତ ରାତିରେ ଉଦଯାପିତ ହୋଇଯାଇଛି  l  ଉଦଯାପନୀ ସନ୍ଧ୍ୟାରେ ଆୟୋଜିତ ସାଂସ୍କୃତିକ ସଭାରେ ମୁଖ୍ୟଅତିଥି ଭାବେ କଣ୍ଟାମାଳ ପୂର୍ବତନ ବିଧାୟକ ମହୀଧର ରଣା ଯୋଗଦେଇ ଥିବାବେଳେ କଳାହାଣ୍ଡି ଜିଲ୍ଲା ଆଦିବାସୀ ସଂଘ ଉପସଭାପତି ପ୍ରକାଶ ମାଝୀ ମୁଖ୍ୟବକ୍ତା ଓ ସମ୍ମାନିତ ଅତିଥିଭାବେ ଜିଲ୍ଲାପରିଷଦ ସଭ୍ୟା ଶ୍ରୀମତୀ ସୁମିତ୍ରା ସାହୁ,କଳାହାଣ୍ଡି ଜିଲ୍ଲା ଆଦିବାସୀ ସଂଘର ଉପଦେଷ୍ଠା ବୈଦ୍ୟନାଥ ଭୋଇ, ତରଭା ବ୍ଲକ ଆଦିବାସୀ ସଂଘର ସଭାପତି ଶ୍ରୀ କହଁର,ସମାଜସେବୀ ପିନାକଧର ରଣା, ସତ୍ୟନାରାୟଣ ମାଝୀ ପ୍ରମୁଖ ମଂଚାସୀନ ଥିଲେ  l ସଭାକୁ ସଦସ୍ୟ ପୁରନ୍ଦର ଠେଲା ପରିଚାଳନା କରିଥିବା ସ୍ଥଳେ ଉପସଭାପତି ଡମ୍ବରୁଧର କହଁର ଧନ୍ୟବାଦ ଦେଇଥିଲେ। ଏହି ଅବସରରେ ମଂଚାସୀନ ଅତିଥି ମାନଙ୍କୁ ଉପଢୌକନ ସହ ମହୋତ୍ସବର ସ୍ମାରକୀ ପ୍ରଦାନ କରାଯାଇଥିଲା l  ପରେ କନ୍ଧମାଳର ଆଦିବାସୀ ନୃତ୍ୟ ସହ ସ୍ଥାନୀୟ କଳାକାରଙ୍କ ନୃତ୍ୟ ସଂଗୀତରେ ମହୋତ୍ସବ ମଞ୍ଚ ଦୁଲୁକିଉଠିଥିଲା  l  ମହୋତ୍ସବ କମିଟୀ ଆବାହକ ଡମ୍ବରୁଧର କହଁର,କମିଟୀ ସଭାପତି ମହେନ୍ଦ୍ର କୁମାର ସାହୁ, ସଂପାଦକ ରଶ୍ମିରଂଜନ କୁଦେଇ ସମେତ ମହୋତ୍ସବ କମିଟି ର ସମସ୍ତ ସଦସ୍ୟ  ଉତ୍ସବକୁ ପରିଚାଳନାରେ ସହଯୋଗ କରିଥିଲେ ।