10-Mar-2025

ବରୀ(ରଞ୍ଜିତ ମହାନ୍ତିଙ୍କ ରିପୋର୍ଟ): ଗତ ମାଟ୍ରିକ ପରୀକ୍ଷା ସମୟରେ ବରୀରେ ଜଣେ ପରୀକ୍ଷାର୍ଥୀ ମା' ହେବା ଘଟଣା ଚର୍ଚ୍ଚାକୁ ଆସିଥିଲା। ଏହି ଘଟଣାରେ ରାଜ୍ୟ କଂଗ୍ରେସର ଅନୁଧ୍ୟାନ କମିଟି ନାବାଳିକାର ଗାଁ ବରୀ ରାମଚନ୍ଦ୍ରପୁର ଥାନା ଅନ୍ତର୍ଗତ ଚନ୍ଦନପୁର ଆସି ପୀଡ଼ିତା ପରିବାରକୁ ଭେଟିବାର କାର୍ଯ୍ୟକ୍ରମ ରହିଥିଲା। ତେବେ କମିଟି ଆସିବା ପୂର୍ବରୁ ପୀଡ଼ିତା ପରିବାର ସଦସ୍ୟମାନେ ଅନୁପସ୍ଥିତ ରହିଥିଲେ। ଏହି ଘଟଣା ଜାଣିବା ପରେ ଅନୁଧ୍ୟାନକାରୀ । ଦଳ ଆଉ ଆଗକୁ ନ ବଢ଼ି ଫେରି ଆସିଥିଲେ। ଏହାପରେ ପିସିସି ଦ ଦଳ ଜିଲା ଆରକ୍ଷୀ ଅଧୀକ୍ଷକଙ୍କୁ ଭେଟି ଘଟଣା ସମ୍ପର୍କରେ ଆଲୋଚନା କରି କରିଥିଲେ। ଆୟୋଜିତ ସାମ୍ବାଦିକ ସମ୍ମିଳନୀରେ କମିଟିର ମୁଖ୍ୟ ତଥା ପୂର୍ବତନ ମନ୍ତ୍ରୀ ନଗେନ୍ଦ୍ର ପ୍ରଧାନ କହିଥିଲେ ଆମେ । ପୀଡ଼ିତାର ମଙ୍ଗଳ କାମନା କରୁଛୁ। ଯାହା ତାଙ୍କର ଭଲ ହେବ ଆମେ ସେଥ୍ରେ ସହଯୋଗ କରିବୁ। ବିଜେପି ଶାସନରେ ନାରୀଙ୍କ ଉପରେ ଅକଥନୀୟ ଅତ୍ୟାଚାର ବଢ଼ି ଚାଲିଛି। ନବ ନିଯୁକ୍ତ ପ୍ରଦେଶ କଂଗ୍ରେସ କମିଟି ସଭାପତିଙ୍କ ନିର୍ଦେଶମତେ ରାଜ୍ୟ ସାରା ସେହି ସବୁ ସ୍ଥାନକୁ ଯିବାକୁ ନକ୍ସା ପ୍ରସ୍ତୁତ କରିଛୁ ବୋଲି ପ୍ରକାଶ କରିଥିଲେ। ସାମ୍ବାଦିକ ସମ୍ମିଳନୀରେ ଅନ୍ୟମାନଙ୍କ ମଧ୍ୟରେ ପୂର୍ବତନ ମନ୍ତ୍ରୀ ଦେବାଶିଷ ନାୟକ, ସସ୍ମିତା ବେହେରା, ସୁଜିତ ପାଢୀ, ନକୁଳ ନାୟକ, କଳ୍ପନା ପଣ୍ଡା ପ୍ରମୁଖ ଉପସ୍ଥିତ ଥିଲେ। ବରୀ ବ୍ଲକ କଂଗ୍ରେସ ସଭାପତି ମନୋଜ ଦାସ, ଯୁବନେତା ଅପୂର୍ବ ସାମଲ, ପ୍ରାକ୍ତନ ସମିତିସଭ୍ୟ ଦେବ ପ୍ରଧାନ, ପ୍ରମୋଦ ଦାସ ଓ ମାନସ ପରିଡ଼ା ପ୍ରମୁଖ ପିସିସି ଦଳକୁ ସ୍ବାଗତ କରିଥିଲେ।