09-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ପଦ୍ମପୁର ନିକଟସ୍ଥ ଗୋଇବାହଲି କୁମୁଡି ଜୋର ଆମ୍ବ ବୁରାଇ ଠାରେ ମୂଳ ନିବାସୀ ଛାତ୍ର ଓ ଯୁବ ସାମ୍ମୁଖ୍ୟର ସଚେତନତା ସଭା ଅନୁଷ୍ଠିତ ହୋଇଯାଇଛି । ଏହି ସଭାରେ ପଦ୍ମପୁର ଉପଖଣ୍ଡର ପାଇକମାଲ, ପଦ୍ମପୁର,  ଝାରବନ୍ଦ, ଗାଇସିଲାଟ ର ସଟାଧିକ ଛାତ୍ର ଯୁବକ ଓ ମହିଳା ମାନେ ଯୋଗ ଦେଇଥିଲେ ।  ଏହି ସଚେତନ ସଭାରେ ବରଗଡ଼ରୁ ଚାଷୀ ନେତା ଲିଙ୍ଗରାଜ ଭୁବନେଶ୍ୱରରୁ ମୂଳ ନିବାସୀ ସମତା ପରିଷଦର  ରାଜ୍ୟ ସଂଯୋଜକ ଅଭିରାମ ମଲ୍ଲିକ  SC ST ମିଳିତ ମଞ୍ଚର ପଦ୍ମପୁର ଉପଖଣ୍ଡର ସଭାପତି  ଭୋଜରାଜ ବାଗ ମୂଳ ନିବାସୀ ଛାତ୍ର ଓ ଯୁବ ସାମ୍ମୁଖ୍ୟର ଉପଦେଷ୍ଟା  ମୁକେଶ ସୁନା , ଶ୍ରୀପତି କୁମ୍ଭାର ଯୋଗ ଦେଇଥିଲେ। ଏହି ସଚେତନତା ସଭାରେ ଗାଁ ଗାଁ ରେ ଯୁବକ ମାନଙ୍କୁ ନେଇ କାର୍ଯ୍ୟକ୍ରମ କରିବାକୁ ନେଇ ଆଲୋଚନା କରାଗଲା ।  ଗନ୍ଧମାର୍ଦ୍ଦନ ସୁରକ୍ଷା, ଶିକ୍ଷା, ସଂରକ୍ଷଣ, ସମ୍ବିଧାନ, ଉପରେ ବକ୍ତା ମାନେ ବକ୍ତବ୍ୟ ପ୍ରଦାନ କରିଥିଲେ। ଦ୍ଵିତୀୟ ଅଧିବେଶନରେ ବରଗଡ଼ ଜିଲ୍ଲାରେ ଆଗାମୀ ଏକ ମାସରେ ଅଧିକରୁ ଅଧିକ କାର୍ଯ୍ୟକ୍ରମ କରିବାକୁ ସ୍ଥିର କରାଗଲା । ମୂଳ ନିବାସୀ ଛାତ୍ର ଓ ଯୁବ ସାମ୍ମୁଖ୍ୟର ସାଂସ୍କୃତିକ ଦଳ ଭୀମ ଗର୍ଜନ କଳା ମଞ୍ଚର ସମସ୍ତ ସଦସ୍ୟ  କଳା ପଦର୍ଶନ କରିଥିଲେ। ଏହି ସମସ୍ତ କାର୍ଯ୍ୟକ୍ରମକୁ ସାମ୍ବାଦିକ ଗୋପବନ୍ଧୁ ଶିକା ପରିଚାଳନା କରିଥିବା ବେଳେ ସହଯୋଗ କରିଥିଲେ ଚନ୍ଦ୍ରହାସ୍ୟ ଜାଲ,  ରସାନନ୍ଦ ବେସରା, ବଳବନ୍ତ ବେସରା, ବିବେକା ତାଣ୍ଡି, ପ୍ରଶାନ୍ତ ବେସରା, ଉତ୍ତମ ମରହୀ ଓ ଗୋଇବାହାଲିର ସମସ୍ତ ପଡାବାସୀ ସହଯୋଗ କରିଥିଲେ । ଶେଷରେ ମୂଳ ନିବାସୀ ଛାତ୍ର ଓ ଯୁବ ସାମ୍ମୁଖ୍ୟର ସାଂସ୍କୃତିକ ସଭାପତି ଗୋବର୍ଦ୍ଧନ ଛତର  ଧନ୍ୟବାଦ ଅର୍ପଣ କରିଥିଲେ।