09-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲାର ପାଇକମାଲ ବ୍ଳକ ଅନ୍ତର୍ଗତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ,କୁଧରେନପାଲି ଠାରେ ପ୍ରଧାନ ଶିକ୍ଷକ ଶ୍ରୀଯୁକ୍ତ ସୁବାଷ ଚନ୍ଦ୍ର ସାହୁଙ୍କ ଅଧ୍ୟକ୍ଷତାରେ ବାର୍ଷିକ ଉତ୍ସବ ୨୦୨୪-୨୫ ଅନୁଷ୍ଠିତ ହୋଇଯାଇଛି। ଉକ୍ତ ସଭାରେ ପାଇକମାଲ ସହକାରୀ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ଧଲେନ୍ଦ କୁମାର ବାରିକ ମୁଖ୍ୟ ଅତିଥି ରୂପେ, ମୁଖ୍ୟ ବକ୍ତା କବି ଯଶୋବନ୍ତ ବିଶ୍ବାଳ, ସମ୍ମାନୀତ ଅତିଥି ରୂପେ ବଲିଉଡ ଫିଲ୍ମ କଳାକାର ଜଗନ୍ନାଥ ସେଠ, ପରିବେଶବିତ ତଥା ପ୍ରକୃତି ବନ୍ଧୁ ମୀନକେତନ ସାହୁ , ବୃଷବ ସାହୁ, ସିଆରସିସି ,କେଦାର ରାଉତ ଯୋଗଦାନ କରିଥିଲେ। ଉକ୍ତ ଉତ୍ସବରେ ଅତିଥି ଗଣ ଛାତ୍ରଛାତ୍ରୀ ମାନଙ୍କୁ ଏକ ଆଦର୍ଶ ଭାରତ ଗଠନ ନିମନ୍ତେ ଛାତ୍ରଛାତ୍ରୀ ମାନଙ୍କୁ ଅନେକ ଉପଦେଶ ଦେବା ସହିତ ବିଭିନ୍ନ ବିଭାଗରେ କୃତିତ୍ବ ଅର୍ଜନ କରିଥିବା ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରିଥିଲେ। ଏହି ଉତ୍ସବରେ ବିଦ୍ୟାଳୟ ପରିଚାଳନା କମିଟିର ସମସ୍ତ ସଦସ୍ୟ ସଦସ୍ଯା ତଥା ଶିକ୍ଷକ ରୋହିତ ଡନସନା ଏବଂ ଶିକ୍ଷୟିତ୍ରୀ ପଦ୍ମିନୀ ଗଡତିଆ,ସାରା ଲୁହାର ସହଯୋଗ କରିଥିଲେ । ପରିଶେଷରେ ଶିକ୍ଷକ ରୋଷନ କୁମାର ବନିଆ ଧନ୍ୟବାଦ ଅର୍ପଣ କରିଥିଲେ।