15-Feb-2025

ବଲାଙ୍ଗୀର(ପ୍ରେରଣା ଖବର): ଆଜି ସ୍ଥାନୀୟ ପତିତପାବନ ଏକାଡେମୀ ଠାରେ ବ୍ଲକସ୍ତରୀୟ ଜୁନିୟର୍ ରେଡକ୍ରସ ସାଧନ କର୍ମୀ ତାଲିମ୍ ଶିବିର ଅନୁଷ୍ଠିତ ହୋଇଯାଇଛି l ଏଥିରେ ମୁଖ୍ୟ ଅତିଥିଭାବେ ଜିଲ୍ଲା ଶିକ୍ଷା ଅଧିକାରୀ ତଥା ଜୁନିୟର୍ ରେଡକ୍ରସ ର ଅଧ୍ୟକ୍ଷ ପ୍ରଦୀପ କୁମାର ନାଗ ଯୋଗ ଦେଇଥିଲେ l ଜିଲ୍ଲା ଶାରୀରିକ କ୍ରୀଡା ଅଧିକାରୀ ପ୍ରଦୀପ କୁମାର ପାତ୍ର ସମ୍ମାନିତ ଅତିଥି ଭାବେ ଯୋଗଦେଇ ଜୁନିୟର୍ ରେଡକ୍ରସ ର ତିନୋଟି ଲକ୍ଷ୍ୟ ଯଥା- ସ୍ୱାସ୍ଥ୍ୟ, ସେବା ଓ ବିଶ୍ଵବନ୍ଧୁତା ଯେପରି ସମସ୍ତ ସ୍କୁଲରେ ପାଳନ କରାଯାଇପାରିବ ସେ ସମ୍ପର୍କରେ ବୁଝାଇ ଥିଲେ l ଜେ.ଆର ସି ଓ ବିକାଶ ରଞ୍ଜନ ସାହୁ ମଞ୍ଚାସୀନ ରହି ଜିଲ୍ଲାର ୬ଟି ବ୍ଲକ ରୁ ଆସିଥିବା ସାଧନକର୍ମୀ ମାନଙ୍କୁ

ବିପର୍ଯ୍ୟୟ ପରିଚାଳନା ଓ ଏହାର ମୁକାବିଲା ସମ୍ପର୍କରେ ଅବଗତ କରାଇଥିଲେ l ବିଜୁଳି ଘଡ଼ଘଡ଼ି,କୁକୁର କାମୁଡା, ସାପ କାମୁଡ଼ା ଆଦି ଅଘଟଣ ବେଳେ ସତର୍କତା ଅବଲମ୍ବନ ସହିତ ଏଡସ ସଂକ୍ରମଣ ଜନିତ ସଚେତନତା ବିଷୟରେ ସାଧନ କର୍ମୀ ମାନଙ୍କୁ ତାଲିମ୍ ଦିଆଯାଇଥିଲା l ପତିତପାବନ ଏକାଡେମୀର ଭାରପ୍ରାପ୍ତ ପ୍ରଧାନଶିକ୍ଷୟିତ୍ରୀ ଅଂଶୁପା ଭୋଇଙ୍କ ସଭାପତିତ୍ବରେ ଅନୁଷ୍ଠିତ ଏହି ଶିବିରରେ ରିସୋର୍ସ ପର୍ସନ ଭାବେ ଶ୍ରୀମତୀ ରଶ୍ମୀରାଣୀ ଦାଶ, ପୂର୍ଣ୍ଣ ଚନ୍ଦ୍ର ତ୍ରିପାଠୀ ଯୋଗ ଦେଇ ତାଲିମ୍ ପ୍ରଦାନ

କରିଥିଲେ l ଏହା ଦ୍ଵାରା ସୁସ୍ଥ ବିଦ୍ୟାଳୟ,ସୁସ୍ଥ ସମାଜ ଓ ବିକଶିତ ଭାରତ ଗଠନର ସ୍ଵପ୍ନ ସାକାର ହୋଇପାରିବ ବୋଲି ଆଜିର ତାଲିମ୍ ଶିବିରର ରେ ଅତିଥି ମାନେ ବକ୍ତବ୍ୟ ରଖି ଥିଲେ  l ସାଧନ କର୍ମୀ ମାନେ ଏହି ତାଲିମ୍ ରୁ ଯାଇ ସ୍କୁଲରେ ଛାତ୍ରଛାତ୍ରୀ ମାନଙ୍କୁ ବିପର୍ଯ୍ୟୟ ପରିଚାଳନା ସମ୍ପର୍କରେ ଆବଶ୍ଯକୀୟ ତାଲିମ୍ ଦେବା ସହ ସଚେତନତା ସୃଷ୍ଟି କରିବେ l ଆଜିର ଏହି ତାଲିମ୍ ଶିବିରରେ ଅନ୍ୟ ମାନଙ୍କ ମଧ୍ୟରେ ସୁଜ୍ଞାନୀ ସବର ଓ ଦିପ୍ତୀରାଣୀ ବେହେରା ସହଯୋଗ କରିଥିଲେ l