14-Feb-2025

ବଲାଙ୍ଗୀର(ପ୍ରେରଣା ଖବର): ପୁଇଁତଳା ବ୍ଲକ ଅନ୍ତର୍ଗତ ବିଲେଇସର୍ଡା ସନ୍ଥ ଦିବ୍ଯଜୀବନ ଗୁରୁକୁଳ ରେ ମାତୃପିତୃ ପୂଜନ ଦିବସ ସହ ୧୫ତମ ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି। ଗୁରୁକୁଳର ପ୍ରଧାନ ଆଚାର୍ଯ୍ଯା ଯାଜ୍ଞସେନୀ ଭୋଇଙ୍କ ସଭାପତିତ୍ବରେ ଅନୁଷ୍ଠିତ ଉଦଘାଟନୀ ସଭାରେ ପୁଇଁତଳା ବ୍ଲକ ଚେୟାରମେନ ସରୋଜ ପ୍ରଧାନ ମୁଖ୍ୟ ଅତିଥି ଭାବେ ଯୋଗଦେଇ ସୁସ୍ଥ ସମାଜ ଗଠନ ରେ ସୁସ୍ଥ ପରିବାରର ଭୂମୀକା ଗୁରୁତ୍ବପୂର୍ଣ୍ଣ ବୋଲି କହିଥିଲେ। ମୁଖ୍ୟବକ୍ତା  ଭାବେ ପୁଇଁତଳା ବ୍ଲକ ଶିକ୍ଷା ଅଧିକାରୀ ଲୋକନାଥ ସୁନା ଯୋଗଦେଇ ନୀତିଶିକ୍ଷା ବ୍ଯକ୍ତିକୁ ବଳିଷ୍ଠ ବ୍ଯକ୍ତିତ୍ବର ଅଧିକାରୀ କରେ ବୋଲି ନିଜ ବକ୍ତବ୍ଯରେ କହିଥିଲେ। ନିମନ୍ତ୍ରୀତ ବକ୍ତା ଭାବେ ବହଲପଦର ହାଇସ୍କୁଲ ର ବିଜ୍ଞାନ ଶିକ୍ଷକ ନାରାୟଣ ମିଶ୍ର ଯୋଗଦେଇ ପରିବାରକୁ ଉଚିତ ମାର୍ଗରେ ପରିଚାଳିତ କରିବା ପାଇଁ ମାତା ପିତାଙ୍କ ଭୂମୀକା ଅନସ୍ବୀକାର୍ଯ୍ୟ ବୋଲି କହିଥିଲେ। ସମ୍ମାନୀତ ଅତିଥି ଭାବେ ବିଲେଇସର୍ଡା ସରପଞ୍ଚ ସୁଶାନ୍ତ ଛତ୍ରିଆ,ସମିତି ସଭ୍ଯ ସୁରେନ୍ଦ୍ର ବୁଡେକ,ସମାଜସେବୀ ଭରତଭୂଷଣ ପ୍ରଧାନ ପ୍ରମୁଖ ଯୋଗଦେଇ  ପରିବାରକୁ ସୁସ୍ଥ, ସୁଶୃଙ୍ଖଳିତ  କରି ଗଢି ତୋଳିବା ପାଇଁ ପରିବାରରେ ପିଲାଙ୍କୁ ସଂସ୍କାର ଓ ରୀତିନୀତି ଶିକ୍ଷା ଦେବା ଜରୁରୀ ବୋଲି କହିଥିଲେ। ପ୍ରଧାନ ଆଚାର୍ଯ୍ଯା ଯାଜ୍ଞସେନୀ ଭୋଇ ବାର୍ଷିକ

ବିବରଣୀ ପଠନ କରିଥିଲେ। କାର୍ଯ୍ୟକ୍ରମର ସଂଯୋଜନା ସରୋଜ ରାମ ଗଡତ୍ଯା କରିଥିବା ବେଳେ ଧନ୍ୟବାଦ ଅର୍ପଣ କରିଥିଲେ ଗୁରୁଜୀ ହିମାଂଶୁ ଶେଖର ନାଏକ। ଏହି ଅବସରରେ ମୁଖ୍ଯଅତିଥି ଶ୍ରୀ ପଧାନ  ବିଦ୍ୟାଳୟ ତରଫରୁ "ମୋ କଳ୍ପନା ମୋ କୃତୀ" ପ୍ରାଚୀର ପତ୍ରିକାକୁ ଉନ୍ମୋଚିତ କରିଥିଲେ। ଚଳିତବର୍ଷ ପାଇଁ ବିନ୍ଦାରାଣୀ ଦଲାଇଙ୍କୁ ଶ୍ରେଷ୍ଠ ଛାତ୍ରୀ ଭାବେ ଅନୁଷ୍ଠାନ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା । ପୁରସ୍କାର ବିତରଣୀ କାର୍ଯ୍ଯକ୍ରମକୁ ଗୁରୁମା ସୁଜାତା ଗଡତ୍ଯା, ଝରଣା ପଧାନ, ରିମା ମେଶ୍ବା,ମନିଷା ପଧାନ,ପିଞ୍ଜଳୀ ସାହୁ, ସେବିକା ସର୍ବେଶ୍ବରୀ ବିଶ୍ବାଳ ପ୍ରମୁଖ ପରିଚାଳନା କରିଥିଲେ। ଦ୍ବିତୀୟ ଅଧିବେଶନରେ ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ବାରା ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା ।