14-Feb-2025

ବଲାଙ୍ଗୀର, (ପ୍ରେରଣା ଖବର) ଆଧୁନିକ ଯୁଗରେ ମଧ୍ଯ ସାମାଜିକ ବାସନ୍ଦ । ମର ଶରୀର ପାଖକୁ କେହି ଆସିଲେନି,ରାତି ରେ ପଡି ରହିଥିଲା ଶବ l ମଧ୍ଯ ରାତ୍ରିରେ ମାଁ ମାହେଶ୍ବରୀ ସେନା ପହଞ୍ଚି ସସମ୍ମାନେ ଶବ ସତ୍କାର କଲା l ସୁଚନା ଅନୁସାରେ ୧୩ ଫେବୃୟାରୀ ୨୦୨୫ ଗୁରବାର ଦିନ ବଲାଙ୍ଗୀର ଜିଲ୍ଲା ଦେଓଗାଁ ବ୍ଲକ ଅନ୍ତର୍ଗତ ନାଇକେନସିରା ଗ୍ରାମର ଶ୍ୟାମ କାଲସାଏଙ୍କ ସ୍ତ୍ରୀ ସବିତା କାଲସାଏ ମୃତ୍ଯୁବରଣ କରିଛନ୍ତି । ସବିତା କାଲସାଏ ଦିର୍ଘଦିନ ହେବ ଯଷ୍ମା ଓ କେନସର ରୋଗରେ ପିଡିତ ଥିଲେ ଏବଂ ବୁର୍ଲା ମେଡିକାଲ ରେ ଗତକାଲି ତାଙ୍କର ମୃତ୍ୟୁ ହୋଇଥିଲା l ଯେହେତୁ ସେ ଅନ୍ୟ ଜାତି ରେ ବିବାହ କରିଥିଲେ ସାମାଜିକ ବାସନ୍ଦ ହେତୁ ତାଙ୍କର ମର ଶରୀରକୁ ସତ୍କାର ପାଇଁ ଜାତିସମାଜ କେହି ବି ଆସିଲେନି l ଏହି ଦୁଃଖଦୁର୍ଦଶା ସମୟରେ ମାଁ ମାହେଶ୍ବରୀ ସେନାର ସଦସ୍ଯ ମାନେ ମାନବିକତାର ପରିଚୟ ଦେଇ ଶବକୁ ବୋହି ସସମ୍ମାନେ ଶବ ସତ୍କାର କଲେ l ମାଁ ମାହେଶ୍ବରୀ ସେନାର ସଦସ୍ଯ ଧନୁର୍ଯ୍ୟୟ କରନ,ମନୋଜ ଖମାରୀ, ରମାକାନ୍ତ ମେଶ୍ବା,ଅରୁନ ପଳତା,ବିରେନ୍ଦ୍ର ପାଣ୍ଡେ,ସୁରେଶ ଚନ୍ଦ୍ର କମ୍ପ ଉପସ୍ଥିତ ରହି ସହଯୋଗ କରିଥିଲେ l ମାଁ ମାହେଶ୍ବରୀ ସେନା ସବୁବେଲେ ଅସହାୟ ଲୋକଙ୍କ ପାଇଁ ସୁଖଦୁଃଖ ରେ ଛିଡା ହୋଇଥାଏ l