05-May-2024

କଣ୍ଟାବାଞ୍ଜି(ଆନନ୍ଦ ମୋଟେ ): କଣ୍ଟାବାଞ୍ଜି ସହର ମଧ୍ୟସ୍ଥ ମାନସ ଭବନ ଠାରେ ଆନ୍ତର୍ଜାତୀୟ ଶ୍ରମିକ ଦିବସ ଅବସରରେ ଏ. ଆଇ. ଟି. ୟୁ. ସି. ସହ ସହବନ୍ଧିତ ସମସ୍ତ ୟୁନିଅନର ଶ୍ରମିକ ମାନଙ୍କ ଦ୍ବାରା ବଲାଙ୍ଗୀର ଜିଲ୍ଲା ସ୍ତରୀୟ ଶ୍ରମିକ ଦିବସ ପାଳିତ ହୋଇଯାଇଛି l ଏ. ଆଇ. ଟି. ୟୁ. ସି. ଜିଲ୍ଲା ସଭାପତି ତୀର୍ଥ ପଧାନ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ସଭା ପ୍ରାରମ୍ଭରେ ପତାକା ଉତ୍ତୋଳନ କରିଥିଲେ l ବିଶିଷ୍ଠ ଶ୍ରମିକନେତା ଗୋପାଳ ଭୋଇ ଉପସ୍ଥିତ ଶ୍ରମିକ ମାନଙ୍କୁ ଉଦବୋଧନ ଦେଇ ମଇ ଦିବସ ବା ଶ୍ରମିକ ଦିବସ ର ଗୌରବମୟ ଇତିହାସ ବିଷୟ ରେ ସଭାରେ

ବିକ୍ଷିପ୍ତ ଭାବେ ଆଲୋକପାତ କରିଥିଲେ l ପାଟଣାଗଡ ଅଞ୍ଚଳର ଯୁବ ଶ୍ରମିକ ନେତା ଦିଲ୍ଲୀପ କୁମାର ଭୋଇ ଶ୍ରମିକ ମାନଙ୍କର ବୃହତ୍ତର ସୁରକ୍ଷା ଓ ସ୍ୱାର୍ଥ ରକ୍ଷା ଦୃଷ୍ଟିରୁ ସମସ୍ତ ଶ୍ରମଜୀବୀ ମହିଳା ଓ ପୁରୁଷ ମାନଙ୍କୁ ଏକଜୁଟ ହୋଇ ଶ୍ରମିକ ମାରଣl ନୀତି ଗୁଡିକ ବିରୋଧରେ ସରକାର ଙ୍କ ଠାରେ ଦୃଢତାର ସହ ସ୍ୱର ଉତ୍ତୋଳନ କରିବା ପାଇଁ ଆହ୍ବାନ କରିଥିଲେ l ନିର୍ମାଣ ଶ୍ରମିକ ସଂଗଠନ ଜିଲ୍ଲା ସଂଯୋଜକ ପ୍ରବୀର କୁମାର କମ୍ପ ଜିଲ୍ଲା ରୁ ବାହାର ରାଜ୍ୟକୁ ଦାଦନ ଖଟି ଯାଉଥିବା ଶ୍ରମିକ ଶ୍ରେଣୀଙ୍କ ପାଇଁ ଉଦବେଗ ପ୍ରକାଶ କରି,ବଲାଙ୍ଗିର ଜିଲ୍ଲା କୁ ଦାଦନ ପ୍ରବଣ ଜିଲ୍ଲା ଭାବେ ଘୋଷଣା

କରିବା, ଦାଦନଙ୍କ ପଞ୍ଚାୟତ ଚିହ୍ନଟ, କେଉଁ ରାଜ୍ୟକୁ କେଉଁ ଠିକାଦାର ନେଉଛନ୍ତି ତାହାର ସମ୍ପୂର୍ଣ୍ଣ ଠିକଣା ରଖିବା କାର୍ଯ୍ୟକ୍ରମକୁ ତ୍ୱରାନ୍ୱିତ କରିବା , ମନେରେଗା କାର୍ଯକ୍ରମ କୁ ତ୍ବରାନ୍ବିତ କରାଯିବା ଏବଂ ପ୍ରତି ଶ୍ରମିକଙ୍କୁ ବର୍ଷକୁ ୨୫୦ ଦିନର କାମ ଯୋଗାଇଦେବା ଇତ୍ୟାଦି ବିଷୟରେ ସଭାରେ ମତ ରଖିଥିଲେ l  ମୁରିବହଲ ଅଞ୍ଚଳର ଲଢ଼ୁଆ ଶ୍ରମିକ ନେତା ମହେନ୍ଦ୍ର ରଣl ସମସ୍ତଙ୍କୁ ଧନ୍ୟବାଦ ଦେଇ ସଭା ଶେଷ କରିଥିଲେ l