07-Jul-2023

ଆଗଲପୁର, (ବିନୋଦ କୁମାର ଦୀପ) ଆଗଲପୁର ବ୍ଲକ କାର୍ଯ୍ୟାଳୟ ପରିସରରେ ନୂତନ ଭାବେ ନିର୍ମିତ ହୋଇଥିବା ମିଶନଶକ୍ତି ଗୃହ ଉଦଘାଟନ ହୋଇଯାଇଛି l ଏହି ଉଦ୍ଘାଟନୀ ଉତ୍ସବ ରେ ମୁଖ୍ୟ ଅତିଥି ଭାବେ ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ଦେବକୀ ସାହୁ, ସମ୍ମାନିତ ଅତିଥି ଭାବେ ବିଡ଼ିଓ ଶ୍ରୀ ଶଙ୍କର କେରକେଟା, ବ୍ଲକ ଅଧ୍ୟକ୍ଷା ଗୀତାଞ୍ଜଳି ଦାସ, ଉପାଧ୍ୟାକ୍ଷା ନିରୁପମା ପଧାନ, ଜୋନ ୨ ର ଜିଲ୍ଲା ପରିଷଦ ସଭ୍ୟା ବୀଣାପାଣି ଦାସ, ଗୋଷ୍ଠୀ ଶିଶୁ ବିକାଶ ପ୍ରକଳ୍ପ ଅଧିକାରୀ ଜୋତିର୍ମୟୀ ନାଏକ ଉପସ୍ଥିତ ଥିଲେ l ପରେ ପରେ ଏକ ସଭା ଆୟୋଜନ କରାଯାଇଥିଲା, ଏହି ସଭାକୁ ଗ୍ରାମ ପଂଚାୟତ ଅଧିକାରୀ ସୋଭାଗ୍ୟ ପଧାନ ପରିଚାଳନା କରିଥିଲେ l

ବହୁ ପ୍ରତିକ୍ଷୀତ ମିଶନ ଶକ୍ତି ଉଦଘାଟନ ଦ୍ୱାରା ସମସ୍ତ ଅତିଥିଗଣ ଖୁସିବ୍ୟକ୍ତ କରିଥିଲେ l ଆଗାମୀ ଦିନରେ ମିଶନ ଶକ୍ତି ଦ୍ୱାରା ମହିଳା ମାନେ କିପରି ସ୍ୱାବଲମ୍ବୀ ହୋଇପାରିବେ ସେ ବିଷୟରେ ନିଜ ନିଜ ର ସୁ ଚିନ୍ତିତ ମତାମତ ଦେଇଥିଲେ l ଏହି ଉଦ୍ଘାଟନୀ ସମାରୋହରେ ମିଶନ ଶକ୍ତି କାର୍ଯ୍ୟାଳୟର ସଦସ୍ୟ, ସ୍ୱୟଂ ସହାୟକ ଗୋଷ୍ଠୀ ର ମହିଳା ମାନେ ଉପସ୍ଥିତ ଥିବା ସହ କିରାଣୀ ମହାସଂଘ ର ସଦସ୍ୟ ତଥା ବ୍ଲକ କର୍ମଚାରୀ ଉପସ୍ଥିତ ଥିଲେ l