07-Jul-2023

ବରଗଡ଼:-ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ବରିକେଲ ଗ୍ରାମରେ ଆର୍ଯ୍ୟ ଧର୍ମ ପ୍ରଚାରକ ବିଶିଷ୍ଟ ବକ୍ତା,ଲେଖକ,ଅନୁବାଦକ ପଣ୍ଡିତ ବିଶିକେସନ ଶାସ୍ତ୍ରୀଙ୍କ ଦ୍ୱାଦଶାହ କାର୍ଯ୍ୟକ୍ରମ ବୈଦିକ ରୀତିନୀତି ରେ ଅନୁଷ୍ଠିତ ହୋଇଯାଇଛି।ଗତ ତା ୨୬.୦୬.୨୦୨୩ରିଖ ଦିନ ବରିକେଲ ସ୍ଥିତ ନିଜସ୍ୱ ବାସଭବନରେ ୮୪ବର୍ଷ ବୟସରେ ତିରୋଧାନ ହୋଇଥିଲା।ତାଙ୍କର ସାନପୁଅ ଓମ୍ ପ୍ରକାଶ ସାହୁ ମୁଖାଗ୍ନୀ ଦେଇଥିଲେ।ସମଗ୍ର ଅଞ୍ଚଳରେ ମୃତ ଖବର ଶୁଣି ଶୋକର ଛାୟା ଖେଳି ଯାଇଛି।ଅନ୍ତେଷ୍ଟିକ୍ରିୟାରେ ପ୍ରବଳ ବର୍ଷା ସତ୍ୱେ ଶତାଧିକ ଲୋକ ଶେଷ ଦର୍ଶନ କରିବାକୁ ଭିଡ଼ ହୋଇଥିଲା।ସେ ତାଙ୍କର ତିନି ପୁଅ ଓ ଗୋଟିଏ ମାତ୍ର ଝିଅ କୁ ସବୁଦିନ ପାଇଁ ଛାଡି ଯାଇଛନ୍ତି।ପ୍ରକାଶ ଥାଉକି ତାଙ୍କ ସ୍ତ୍ରୀ ୧୨ ବର୍ଷ ପୂର୍ବରୁ ଇହଲୀଳା ସମ୍ବରଣ କରିଥିଲେ।ଆଜି ତା୦୭.୦୭.୨୦୨୩ରିଖ ଦିନ ସ୍ୱର୍ଗତ ବିଶିକେସନଙ୍କ ଦ୍ୱାଦଶାହ କାର୍ଯ୍ୟକ୍ରମରେ ଅନଗୁଳ,ନୂଆପଡ଼ା,କନ୍ଧମାଳ,କେନ୍ଦ୍ରାପଡ଼ା,ଆମସେନା ଆଶ୍ରମ(ନୂଆପଡ଼ା),କପିନମୁନି ଆଶ୍ରମ,(ନୃସିଂହନାଥ) ତଥା ଓଡ଼ିଶାର ବିଭିନ୍ନ ଜିଲ୍ଲାରୁ ଆର୍ଯ୍ୟସମାଜ ଜିଲ୍ଲା ସଭାପତି ଓ ତାଙ୍କର ଶତାଧିକ ଶିଷ୍ୟ,ପଦ୍ମପୁର ଅଞ୍ଚଳରୁ ହଜାରରୁ ଅଧିକ ଜନସାଧାରଣଙ୍କ ଉପସ୍ଥିତିରେ ଆର୍ଯ୍ୟ ଧର୍ମ ପ୍ରଚାରକ ବାବା ଧର୍ମାନନ୍ଦ ସରସ୍ୱତୀ ଙ୍କ ସଭାପତିତ୍ୱରେ ଏକ ଶୋକସଭା ଅନୁଷ୍ଠିତ ହୋଇ ସ୍ୱର୍ଗତ ଆତ୍ମାର ସତଗତି ନିମନ୍ତେ ୨ ମିନିଟ

ନୀରବ ପ୍ରାର୍ଥନା ପୂର୍ବକ ଅଶ୍ରୁଳ ଶ୍ରଦ୍ଧାଞ୍ଜଳୀ ଜ୍ଞାପନ କରାଯାଇଥିଲା।ସ୍ୱର୍ଗତ ବିଶିକେସନ ବରିକେଲ ସ୍ଥିତ ଆଧ୍ୟାତ୍ମିକ ଚେତନା ସଂଘର ପ୍ରତିଷ୍ଠାତା ଭାବେ ତଥା ଜଣେ ସମାଜ ସଂସ୍କାରକ,ସୁ-ସଂଗଠକ ଭାବେ ବେଶ ଜଣାଶୁଣା ଥିଲେ।ବରିକେଲ ର ବିଭିନ୍ନ ଅନୁଷ୍ଠାନ,ଗ୍ରାମବାସୀ,ବନ୍ଧୁ ବାନ୍ଧବ ଆତ୍ମିୟସ୍ୱଜନଙ୍କ ପକ୍ଷରୁ ତାଙ୍କ ପରିବାର ପ୍ରତି ଗଭୀର ସମବେଦନା ଜଣାଇଛନ୍ତି।ସେ ଶତାଧିକ ପୁସ୍ତକ ଲେଖିବା ସଙ୍ଗେସଙ୍ଗେ ଅନେକ ପୁସ୍ତକର ଅନୁବାଦ ମଧ୍ୟ କରିଥିଲେ।ଆର୍ଯ୍ୟ ଧର୍ମର ବୈଦିକ ରୀତିରେ ଶତାଧିକ ସନ୍ଥବାବା ହୋମଯଜ୍ଞ କରି ଅମର ଆତ୍ମାର ଶାନ୍ତି କାମନା ସମେତ ପରିବାରବର୍ଗଙ୍କୁ ସମବେଦନା ସହ ଏ ଦୁଃଖଦ ସମୟରେ ତାଙ୍କ ପରିବାରକୁ ଧୈର୍ଯ୍ୟ ଓ ସାହାସ ଦେବାକୁ ପ୍ରାର୍ଥନା କରିଥିଲେ।ଆଧ୍ୟାମିକ ଚେତନା ସଂଘର ସଭ୍ୟ ଟିକେଶ୍ୱର ସାହୁ ସ୍ୱର୍ଗତ ବିଶିକେସନଙ୍କ ଉଦ୍ଦେଶ୍ୟରେ ଏକ ହୃଦୟସ୍ପର୍ଶି କବିତା ପଠନ ଶେଷରେ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ।