06-Jul-2023

 ବଲାଙ୍ଗିର(ଦେବାଶିଷ ବହିଦାର ): ଜର୍ମାନୀର ବର୍ଲିନଠାରେ ଅନୁଷ୍ଠିତ ସ୍ଵତନ୍ତ୍ର ଅଲିମ୍ପିକ୍ସ ୱାର୍ଲ୍ଡ ଗେମ୍ସ ୨୦୨୩ରେ ଭାଗ ନେଇ ସଟପୂଟରେ ରୌପ୍ୟ ପଦକ ହାସଲ କରିଥିବା ବୈଷ୍ଣବ ରାଜପଲିଆଙ୍କୁ ବଲାଙ୍ଗିର ଜିଲ୍ଲା ପ୍ରଶାସନ ସମ୍ବର୍ଦ୍ଧିତ କରିଛି  ।  ଜୁନ ୧୫ରୁ ୨୭ ତାରିଖ ପର୍ଯ୍ୟନ୍ତ ହେଇଥିବା ଏହି ମହାକୁମ୍ଭ ରେ ଶ୍ରୀ ରାଜପଲିଆ ୪,୪୦୦ ରିଲେ ଦୌଡ  ଏବଂ ଜାଭେଲିନରେ ମଧ୍ୟ ଚତୁର୍ଥ ସ୍ଥାନ ହାସଲ କରିଥିଲେ । ଜିଲ୍ଲାପାଳ ତଥା ଜିଲ୍ଲା ମାଜିଷ୍ଟ୍ରେଟ ଶ୍ରୀ ଚଞ୍ଚଲ ରାଣା ନିଜ ଅଫିସ ରେ କୋଚଙ୍କ

ସମେତ ୩ ଜଣ ଙ୍କୁ ସମର୍ଦ୍ଧିତ କରିଛନ୍ତି   ।  କୋଚ ଉମାକାନ୍ତ ଷଡଙ୍ଗୀ ,ଝସକେତନ ସାହୁ ମଧ୍ୟ ଉପରୋକ୍ତ ସମ୍ବର୍ଦ୍ଧନା

ସଭାରେ ଉପସ୍ଥିତ ଥିଲେ । ଜିଲ୍ଲାପାଳ ଶ୍ରୀ ରାଣା ପୁଷ୍ପଗୁଚ୍ଛ, ଉତ୍ତରୀୟ , ମାନପତ୍ର ଏବଂ ଆର୍ଥିକ ପୁରସ୍କାର ସହ ସମସ୍ତଙ୍କୁ ଶୁଭେସ୍ଛା ଜଣେଇଥିଲେ । ଶ୍ରୀ ରାଜପାଳିଆଙ୍କୁ ତିରିଶ ହଜାର ଟଙ୍କା, ଷଡଙ୍ଗୀଙ୍କୁ ଦଶହଜାର ତଥା ଝସକେତନ ସାହୁଙ୍କୁ ପାଞ୍ଚ ହଜାର ଟଙ୍କା ପୁରସ୍କୃତ କରଯାଇଥିଲା । ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ଚନ୍ଦ୍ରମଣି ନାଗ, ପ୍ରଧାନ ଶିକ୍ଷକ ଦେବାନନ୍ଦ ସାହୁଙ୍କୁ ମଧ୍ୟ ଏଥିପାଇଁ ଜିଲ୍ଲାପାଳ ପ୍ରଶଂସା କରିଥିଲେ । ଏହା ପୂର୍ବରୁ ଶ୍ରୀ ରାଜପଲିଆ ଓଡିଶାର ରାଜ୍ୟପାଳ, କ୍ରିଡା ବିଭାଗ ତରଫରୁ ମଧ୍ୟ ସମ୍ବର୍ଦ୍ଧିତ ହୋଇଛନ୍ତି ।