06-Jun-2023

ଲୋଇସିଂହା (ବିନୋଦ କୁମାର ଦୀପ) ଆଜି ଲୋଇସିଂହା ଥାନା ରେ ଲୋଇସିଂହା ସାମ୍ବାଦିକ ସଂଘ ତରଫରୁ ଲୋଇସିଂହା ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ ଓ ସରଗାଡ଼ ସରପଞ୍ଚ ସରୋଜ ବେହେରା ଙ୍କ ବିରୁଦ୍ଧରେ ଲୋଇସିଂହା ଥାନାରେ ଲିଖିତ ଅଭିଯୋଗ ଦାଖଲ କରାଯାଇଛି l ସୂଚନାରୁ ପ୍ରକାଶ ଯେ ଲୋଇସିଂହା ବ୍ଲକ ର ଧରିତ୍ରୀ ପେପର ସାମ୍ବାଦିକ ସୁଶାନ୍ତ ବାରିକ ଓ ସମାଜ ପେପର ସାମ୍ବାଦିକ ସାରଙ୍ଗ ଭୋଇ ଗତକାଲି ଲୋଇସିଂହା ବ୍ଲକ ରେ ଉପସ୍ଥିତ ଥିଲେ l ଏହି ସମୟରେ କୌଣସି ବିଷୟ କୁ ନେଇ ଯତୀନ୍ଦ୍ର ପଟେଲ ଓ ସରୋଜ ବେହେରା ୨ ଜଣ ସାମ୍ବାଦିକ ଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରିବା ସହ ଲୋଇସିଂହା ସାମ୍ବାଦିକ ଙ୍କୁ ଗାଡି ଚପାଇବା ସହିତ ଜୀବନ ରେ ମାରିଦେବା ପାଇଁ ଧମକଚମକ ଦେଇଥିଲେ l

ଏ ନେଇ ଆଜି ଲୋଇସିଂହା ସାମ୍ବାଦିକ ସଂଘ ପକ୍ଷରୁ ଆଲୋଚନା ପରେ  ଲିଖିତ ଆକାରରେ ଲୋଇସିଂହା ବ୍ଲକ ଅଧକ୍ଷ୍ୟ ଯତୀନ୍ଦ୍ର ପଟେଲ ଓ ସରଗାଡ଼ ସରପଞ୍ଚ ସରୋଜ ବେହେରା ବିରୁଦ୍ଧରେ ଲୋଇସିଂହା ଥାନାରେ ଅଭିଯୋଗ କରାଯାଇଥିଲା l ଥାନାରେ ଅଭିଯୋଗ ବେଳେ ଲୋଇସିଂହା  ସାମ୍ବାଦିକ ସଂଘ ସଭାପତି ସରୋଜ ବିଶ୍ୱାଳ, ବିମଳ ହୋତା, ସମ୍ପାଦକ ସୁଶାନ୍ତ ବାରିକ, ଶ୍ୟାମସୁନ୍ଦର ମେହେର, ସାରଙ୍ଗ ଭୋଇ, ବିମଳେନ୍ଦୁ ସାହୁ, ମହେଶ କର ସହ ବିନୋଦ ଦୀପ ଉପସ୍ଥିତ ଥିଲେ l