05-Jun-2023

ମୁରିବାହାଲ(ସୁଦାମା ଚରଣ ବଘାର) ବଲାଙ୍ଗିର ଜିଲ୍ଲା ମୁରିବାହାଲ ଥାନା ଅନ୍ତର୍ଗତ ଗରଗଡବାହାଲ ପଂଚାୟତ ତେନ୍ତୁଳିଖୁଣ୍ଟି ଗାଁର ଜମି କିଣାବିକାକୁ ନେଇ ଗଣ୍ଡଗୋଳ ଘଟଣାରେ ବ୍ଲକ ଯୁବ ବିଜେଡି ସଭାପତି ଚିତରଜଂନ ବାଗଙ୍କୁ ରବିବାର ପୁଲିସ ଗିରଫ କରି କୋର୍ଟ ଚାଳାଣ କରିଥିଲା। ଜାମିନ ନାମନ୍ଜୁର ହେବାରୁ ତାଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି। ଏହି ମାମଲା ରେ ସମ୍ପରୁକ୍ତ ଥିବା ଅଭିଯୋଗରେ ମୋତିରାମ ହାତୀ ଙ୍କୁ ପୁଲିସ ଗୁରୁବାର ଗିରଫକରି କୋର୍ଟ ଚାଳାଣ କରିଥିଲା। ଆଉ ଜଣେ ଅଭିୟୁକ୍ତ ତିଲକ ରାମ ପୁଟେଲ ବର୍ତ୍ତମାନ ସୁଦ୍ଧା ଫେରାର ଥିବା ପୁଲିସ ପ୍ରକାଶ କରିଛି। ଏହି ମାମଲା ରେ ଉଊୟ ପକ୍ଷର ଏତଲା ଅନୁସାରେ ଦୁଇ ଟି ମାମଲା ରୁଜୁ ହୋଇଥିଲା। ସୂଚନା ମୁତାବକ ସୁନ୍ଦରମଣୀ ବାଗ(୪୭) ଥାନାରେ ଦେଇଥିବା ଏତଲା ଅନୁସାରେ ଗତ ମାସ ୧୨ ତାରିଖ ତାଙ୍କ ସ୍ତ୍ରୀ ଭାନୁମତୀ ବାଗ

ଘରେ ଏକା ଥିବା ବେଳେ ଗାଁର ତଥା ବ୍ଲକ ଯୁବ ବିଜେଡି ସଭାପତି ଚିତରଜଂନ ବାଗ, ମୋତିରାମ ହାତୀ ଓ ତିଲକରାମ ପୁଟେଲ ଆସି ତାଙ୍କୁ ଅଶଭ୍ଯ ଭାଷାରେ ଗାଳି ଗୁଲଜ କରି ନିସ୍ତୁକ ମାଡ ମାରିଥିଲେ। ଅନ୍ୟ ପକ୍ଷରେ ଗାଁର ଦେବେନ୍ଦ୍ର ହାତୀ ଙ୍କ ଏତଲା ଅନୁସାରେ ସୁନ୍ଦରମଣୀ ବାଗ ଘରୋଇ ଅସୁବିଧା ଅଛି ବୋଲି ତାଙ୍କ ଠାରୁ ଜମି ଦେବାକୁ ମୋଟ ଷାଠିଏ ହଜାର ଟଙ୍କା, ଚୁକ୍ତି ନାମାରେ ୩୦ ହଜାର ଓ ମୌଖିକ ୩୦ ହଜାର ନେଇଥିଲେ। ଜମି ଦେବାକୁ କିମ୍ବା ଟଙ୍କା ଫେରାଇବାକୁ କହିଲେ ନ ଶୁଣି ଓଲଟି ଆଟ୍ରୋସିଟି ରେ ଫସାଇବାକୁ ଧମକ ଚମକ ଦେଉଥିବା ସେ ଥାନାରେ ଅଭିଯୋଗ କରିଥିଲେ। ଏ ନେଇ ସୁନ୍ଦରମଣୀ ଙ୍କ ଏତଲା ଆଧାରରେ ପୁଲିସ କେସ ନଂ ୮୩/୨୩ ଆଟ୍ରୋସିଟି ମାମଲା ରୁଜୁ କରି କଂଟାବାଞ୍ଜି ଏସଡିପିଓ ଘଟଣା ର ତଦନ୍ତ କରୁଥିଲେ। ସେହିପରି ଦେବେନ୍ଦ୍ର ଙ୍କ ଏତଲା ଆଧାରରେ ପୁଲିସ କେସ ନଂ ୮୪/୨୩ ରୁଜୁ କରି ଏସଆଇ ପ୍ରମୋଦ ପଧାନ ଘଟଣାର ତଦନ୍ତ କରୁଛନ୍ତି।