18-May-2023

ବଲାଙ୍ଗୀର, (ପ୍ରେରଣା ଖବର) ଆଜି ବଲାଙ୍ଗୀର ଜିଲ୍ଲାର ଶାନ୍ତିପଡ଼ାରେ ସ୍ଥାନୀୟ ଟାଇଗର ୟୁଥ କ୍ଲପ ତରଫରୁ ଏକକାଳୀନ ହନୁମାନ ମନ୍ଦିର, ଗଣେଶ ମନ୍ଦିର ଓ ଶନିଦେବ ଙ୍କ ମନ୍ଦିର ପ୍ରତିଷ୍ଠା କରାଯାଇଛି l ଏଥିରେ ପ୍ରମୁଖ ଭାବେ ରମାକାନ୍ତ ପଧାନ, ଦମୟନ୍ତୀ ପଧାନ, ଦେବରାଜ ପଟ୍ଟନାୟକ, ରଂଜିତା ପଟ୍ଟନାୟକ, ଲକ୍ଷ୍ମୀପତି ନାଥ, ଶୋଭାଗିନୀ ନାଥ, ସୁଶାନ୍ତ ଗଡୁଆ, ରାଜେଶ୍ୱରୀ ଗଡୁଆ, ସନ୍ତୋଷ ବରିହା, ଲିଳିମା ବରିହା, ପରମା ସାହୁ, ସରିତା ସାହୁ ପ୍ରମୁଖ ଯଜ୍ଞକର୍ତ୍ତା ଭାବେ ଦାୟିତ୍ୱ ଗ୍ରହଣ କରିଥିଲେ l ଏହାସହ ସ୍ଥାନୀୟ ସମ୍ମାନିତ ବ୍ୟକ୍ତିମାନେ ଅନ୍ୟାନ୍ୟ କାର୍ଯ୍ୟରେ ସହଯୋଗ କରିଥିଲେ l ସମସ୍ତ ଶ୍ରଦ୍ଧାଳୁ ନିଜର ମନଖୋଲି ମୁକ୍ତ ହସ୍ତରେ ଦାନ ଦକ୍ଷିଣା, ସାହାଯ୍ୟ ସହଯୋଗର ହାତ ବଢ଼ାଇ ଉକ୍ତ କାର୍ଯ୍ୟକ୍ରମକୁ ସମ୍ପୂର୍ଣ୍ଣ କରିଥିଲେ l ଏହି ଉପଲକ୍ଷେ ୧୬ପହରୀ ନାମଯଜ୍ଞ  ସହିତ ଜ୍ଞାନଯଜ୍ଞ , ଧ୍ୟାନଯଜ୍ଞ ଜପଯାଜ୍ଞ କରାଯାଇ ତିନି ମୂର୍ତ୍ତିଙ୍କୁ ତିନୋଟି ମନ୍ଦିରରେ ସ୍ଥାପନା କରାଯାଇଛି l ଏହି କାର୍ଯ୍ୟକ୍ରମରେ ୩ଦିନ ଧରି ୩୦ହଜାରରୁ ଅଧିକ ଲୋକଙ୍କ ପାଇଁ ଅନ୍ନଭୋଗ ବଣ୍ଟନ କରାଯାଇଛି l ମନୋରଞ୍ଜନ ପାଇଁ ମିନାବଜାର, ଗ୍ରୀଷ୍ମ ପ୍ରବାହକୁ ନଜରରେ ରଖି ଶ୍ରଦ୍ଧାଳୁଙ୍କ ପାଇଁ ଅନବରତ ଦହି ପାଣି ଓ ସାଧା ପାଣିର ବ୍ୟବସ୍ଥା ହୋଇଛି l ଏଥିରେ ହଜାର ହଜାର ମାତ୍ରାରେ ଭକ୍ତବୃନ୍ଦ ନିକଟସ୍ଥ ଶାନ୍ତିପଡ଼ା, ଲାଳଟିକ୍ରା, ସଦେଇପାଲି, ଲାର୍କିପାଲି, ଚନ୍ଦ୍ରଶେଖର ନଗର, ଖଇରାପଡା, ଖରସେଲପଡା, କନ୍ଧପାଲି ସହିତ ଅନେକ ଦୂର ଦୁରାନ୍ତରରୁ ଆସି ଭକ୍ତଗଣ ଯୋଗଦାନ କରି ଆନନ୍ଦ ଉପଭୋଗ କରିଥିଲେ l