18-May-2023

ବୀରମହାରାଜପୁର,( ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲାର ବୀରମହାରାଜପୁର ଥାନା ଅନ୍ତର୍ଗତ ବହଳପଦର ଗ୍ରାମରେ ଗୁରୁବାର ଅବକାରୀ ବିଭାଗ ପକ୍ଷରୁ ଚଢାଉ ବେଳେ ୪୦ ଲିଟର ବେଆଇନ ଦେଶୀ ରନ୍ଧା ମଦ ଜବତ କରିଥିବା ବେଳେ ଜଣଙ୍କୁ ଗିରଫ କରିଥିବା ଜଣାଯାଇଛି। ବହଳପଦର ଗ୍ରାମରେ ବେଆଇନ ଦେଶୀ ରନ୍ଧା ମଦ କାରବାର ହେଉଥିବା ନେଇ କୈାଣସି ସୁତ୍ରରୁ ଖବର ପାଇ ଜିଲ୍ଲା ଅବକାରୀ ଅଧିକ୍ଷକ ସୁମତି ତ୍ରିପାଠୀ ଙ୍କ ନିର୍ଦ୍ଦେଶ କ୍ରମେ ଏକ ଟିମ ଉକ୍ତ ଗ୍ରାମରେ ଚଢ଼ାଉ କରିଥିଲେ। ଉକ୍ତ ଗ୍ରାମର କମ୍ଭୁପ୍ରସାଦ ଭୋଇ (୪୧)ଙ୍କ ଦୋକାନ‌ ଗୃହରୁ  ୪୦ ଲିଟର ବେଆଇନ ଦେଶୀ ରନ୍ଧା  ମଦ ଜବତ କରିଥିବା ବେଳେ ଏଥିରେ ସଂପୃକ୍ତ ଥିବା ଉକ୍ତ ବ୍ୟକ୍ତିଙ୍କୁ ଗିରଫ କରିଥିଲା। ଅବକାରୀ କେସ ନଂ ୩୦/୨୩ ରେ ଏକ ମାମଲା ରୁଜୁ କରି କୋର୍ଟ ଚାଲାଣ କରିଥିବା ଜଣାଯାଇଛି। ଉକ୍ତ ଟିମରେ ଏସ ଆଇ ସୁମିତ୍ରା ହେମ୍ବ୍ରମ, ଏ ଏସ ଆଇ ଚିତ୍ତରଞ୍ଜନ ଦାଶ, କନେଷ୍ଟବଳ ଉରଭୀ ମାଝୀ, ରାଜିବ ଭଞ୍ଜ ଓ ସିତାରାମ ପଧାନ ପ୍ରମୁଖ ସାମିଲ ହୋଇଥିଲେ।