18-May-2023

ବଲାଙ୍ଗୀର/ତରଭା(ପ୍ରେରଣା ଖବର)-ତରଭାବ୍ଲକ ଅନ୍ତର୍ଗତ ମେଣ୍ଡାହାଇସ୍କୁଲର ପୁରାତନଛାତ୍ର ଓଡିଶା ଏଜୁକେସନ ସର୍ଭିସ(ଓଇଏସ୍‌)ପରୀକ୍ଷାରେ କୃତକାର୍ଯ୍ୟ ହୋଇଛନ୍ତି । ଏହାକୁ ନେଇ ତରଭା ତଥା ମେଣ୍ଡା ଅଞ୍ଚଳରେ ଖୁସିର ଲହରୀ ଖେଳିଯାଇଛି । ଓଡିଶା ପବ୍ଲିକସର୍ଭିସ କମିଶନ(ଓପିଏସସି) ପକ୍ଷରୁ କରାଯାଇଥିବା ପରୀକ୍ଷାରେ ବିନୋଦ ଉତ୍ତିର୍ଣ୍ଣ ହୋଇ ଏହି ସଫଳତା ପାଇଛନ୍ତି । ମେଣ୍ଡା ଗ୍ରାମର ସୁମିତ୍ରା ସୁନା ଓ ଉପେନ୍ଦ୍ର ସୁନାଙ୍କ କନିଷ୍ଠପୁତ୍ର ବିନୋଦ ମେଣ୍ଡାସେବାଶ୍ରମ ସ୍କୁଲ,ଏମଇ ସ୍କୁଲ ପାଠପରେ ମେଣ୍ଡା ହାଇସ୍କୁଲରୁ ୨୦୦୩ ମସିହାରେ ମାଟ୍ରିକରେ ପ୍ରଥମ ଶ୍ରେଣୀରେ ଉତ୍ତିର୍ଣ୍ଣ ହୋଇଥିଲେ । ଏହାପରେ ଏମବିଆର ମହାବିଦ୍ୟାଳୟରେ ଯୁକ୍ତଦୁଇ ଓ ବଲାଙ୍ଗୀର ରାଜେନ୍ଦ୍ର ମହାବିଦ୍ୟାଳୟରୁ ଅର୍ଥନୀତିବିଜ୍ଞାନ (ଅନର୍ସ)ଯୁକ୍ତତିନି ପାଠପଢିଥିଲେ । ଡିଗ୍ରୀପରେ ବଲାଙ୍ଗୀର ଶିକ୍ଷକଶିକ୍ଷା ମହାବିଦ୍ୟାଳୟରୁ ବିଇଡି ସାରି ବଙ୍ଗୋମୁଣ୍ଡା ବ୍ଲକର ଦେଢଗାଁ ହାଇସ୍କୁଲରେ ଶିକ୍ଷକତା ଜୀବନ ଆରମ୍ଭ କରିଥିଲେ । ଇନ୍ଦିରାଗାନ୍ଧୀ ମୁକ୍ତବିଶ୍ୱବିଦ୍ୟାଳୟରୁ ସେ ୨୦୧୮ ମସିହାରେ ରାଜନୀତି ବିଜ୍ଞାନରେ ସ୍ନାତକୋତ୍ତର ସାରିଥିଲେ । ଏବେ ୨୦୨୧ ମସିହାରୁ ବଲାଙ୍ଗୀର ଜିଲ୍ଲା ପୁଇଁତଳା ବ୍ଲକର ସୁରଜମଲ ନୋଡାଲ ହାଇସ୍କୁଲ,ସାଉନ୍ତପୁରରେ ଯୋଗଦେଇ ବର୍ତ୍ତମାନ ପ୍ରଧାନଶିକ୍ଷକ ଦାୟୀତ୍ୱରେ ରହିଛନ୍ତି । ପ୍ରାଥମିକ ଶିକ୍ଷାବେଳରୁ ଜଣେ ମେଧାବୀଛାତ୍ର ଭାବରେ ସେ ବେଶ ଜଣାଶୁଣା ଥିଲେ । ପରିବାରର ଆର୍ଥକ ଅନାଟନ ସତ୍ୱେ ସେ ତାଙ୍କର ଦୃଢଇଚ୍ଛାଶକ୍ତି ବଳରେ ଏହି ସଫଳତା ପାଇଛନ୍ତି । ମେଣ୍ଡାହାଇସ୍କୁଲର ପୁରାତନ ଛାତ୍ରମାନଙ୍କ ତରଫରୁ ତାଙ୍କୁ ଅଭିନନ୍ଦନ ଜଣାଯାଇଛି । ଏହି ସଫଳତାର ଶ୍ରେୟ ସେ ତାଙ୍କ ବାପା ମାଆ ଓ ଅଞ୍ଚଳବାସୀଙ୍କୁ ଦେଇଛନ୍ତି ।