22-Mar-2023

କଳାହାଣ୍ଡି ,କୋକସରା (ତ୍ରିନାଥ ବେଶ୍ରା)
ଆଜି ନାଗରିକ ବିକାଶ ସଂଗଠନ, କଳାହାଣ୍ଡି  କୋକସରା ବ୍ଲକ ତରଫରୁ ଏକ ସମାବେଶ ଆୟୋଜନ କରାଯାଇଥିଲା। ଗତ ଜାନୁୟାରୀ ମାସରୁ ସ୍ୱଚ୍ଛ ଗ୍ରାମ ଅଭିଯାନ ମାଧ୍ୟମରେ ପାନୀୟଜଳର ସମସ୍ୟା କୁ  ଭିତ୍ତି କରି ଆଜି ନାଗରିକ ବିକାଶ ସଂଗଠନ ର ସଦସ୍ୟ ସଦସ୍ୟା ମାନେ ପ୍ଲା କାର୍ଡ ପ୍ରଦର୍ଶନ ପୂର୍ବକ କୋକସରା ବସଷ୍ଟାଣ୍ଡ ଛକରୁ ବ୍ଲକ୍ ଅଫିସ ପର୍ଯ୍ୟନ୍ତ ଏକ ଶାନ୍ତିପୂର୍ଣ୍ଣ ଶୋଭାଯାତ୍ରା ଅନୁଷ୍ଠିତ କରାଯାଇଥିଲା। ଏହି ଶୋଭାଯାତ୍ରା ର ମୂଳ ଲକ୍ଷ୍ୟ ହେଉଛି ଜନସାଧାରଣଙ୍କର ମୌଳିକ ଅଧିକାର ପ୍ରତିଦିନ ଉଲ୍ଲଂଘନ ହେଉ ଥିବାରୁ ସ୍ଥାନୀୟ ବିଡ଼ିଓ ଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଦାବି ଗୁଡିକର ଶୀଘ୍ର ପୂରଣ ପାଇଁ ଦାବୀ ପତ୍ର ପ୍ରଦାନ କରାଯାଇଥିଲା। ଦାବୀ ପତ୍ର ରେ ବିଶୁଦ୍ଧ ପାନୀୟ ଜଳର ଅଭାବ, କିଶୋରୀ ବାଳିକାମାନଙ୍କ ପୁଷ୍ଟିହୀନତା କୁ ଦୂର କରିବା ଏବଂ ଅଙ୍ଗନବାଡି କେନ୍ଦ୍ର ଗୁଡିକର ସମ୍ପୂର୍ଣ୍ଣ ଭିତ୍ତିଭୂମି ନିର୍ମାଣ କୁ ଲକ୍ଷ୍ୟ କରି  ୧୧ ଗୋଟି ଦଫା ଦାବୀ ପତ୍ର ଉଲ୍ଲେଖ କରାଯାଇଛି । ଉକ୍ତ ଦାବୀପତ୍ର କୁ ନାଗରିକ ବିକାଶ ସଂଗଠନର ସଭାନେତ୍ରୀ ରଜନୀ କାନ୍ତି ପାଣିଗ୍ରାହୀ, ସଂପାଦିକା ତ୍ରିପୁରା ଭକ୍ତ, ଉର୍ମି ରେ ନେତୃତ୍ୱ ନେଉଥିବା ବୀଣାପାଣି ସୁନାନୀ, ପ୍ରେମଶିଳା ପାଣିଗ୍ରାହୀ କୋକସରା ଗୋଷ୍ଠୀ ଉନ୍ନୟନ ଅଧିକାରୀ ଉପସ୍ଥିତ ନଥିବାରୁ ଉପ ବିଭାଗ ଅଧିକାରୀ ତଥା ବ୍ଳକ ହିସାବ ରକ୍ଷକ ଅଚ୍ୟୁତାନନ୍ଦ ନାଗଙ୍କୁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ୪ଦଫା ସମ୍ମିଳିତ ଏକ ଦାବିପତ୍ର ପ୍ରଦାନ କରିଥିଲେ। ନାଗରିକ ବିକାଶ ସଂଗଠନ ର କର୍ମକର୍ତ୍ତା ମାନେ ଯଥା ବ୍ଲକ୍ ସଂଯୋଜକ ଉପେନ୍ଦ୍ର ସୁନାନୀ, ଜନ ସାଥୀ  ତ୍ରିନାଥ ବେଶ୍ରା ମୁକ୍ତା ଠାକୁର ଉପସ୍ଥିତ ରହି କାର୍ଯ୍ୟକ୍ରମକୁ ସାଫଲ୍ୟ ମଣ୍ଡିତ କରିଥିଲେ।