27-Dec-2022

ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ସ୍ଥିତ ପଲ୍ଲୀଶ୍ରୀ ହାଇସ୍କୁଲ ଖେଳ ପଡ଼ିଆରେ ୨୨ ତାରିଖରୁ ଚାଳିଥିବା ଜୟମାଁ ଦ୍ୱାରସେହ୍ନି ଫୁଟବଲ ପ୍ରତିଯୋଗିତାର ପଞ୍ଚମ ଦିନରେ ଆଜି ପ୍ରଥମ ସେମିଫାଇନାଲ ମ୍ୟାଚ ଅନୁଷ୍ଠିତ ହୋଇଯାଇଅଛି । ଉକ୍ତ ମ୍ୟାଚ ଖଡ଼ିଆଳ ଓ ପତ୍ରାପାଳି ଦଳ ମଧ୍ୟରେ ଅନୁଷ୍ଠିତ ହୋଇଥିବା ବେଳେ ପତ୍ରାପାଳି ଦଳର ଖେଳାଳି ମାନେ ସୁନ୍ଦର ପ୍ରଦର୍ଶନ କରି ୨-୦ ଗୋଲ ରେ ବିଜୟୀ ହୋଇ ଫାଇନାଲରେ ପ୍ରଥମ ଦଳ ଭାବରେ ପହଞ୍ଚିଛନ୍ତି । ଦ୍ଵିତୀୟ ସେମିଫାଇନାଲ ଆସନ୍ତାକାଲି ମଙ୍ଗଳବାର ଦିନ ହେବ। ଫାଇନାଲ ଶୁକ୍ରବାର

ଦିନ ହେବ । ଆଜିର ଖେଳରେ ଅତିଥିଭାବେ ବଲାଙ୍ଗିର ଜିଲ୍ଲା ସରପଞ୍ଚ ସଂଘ ସଭାପତି ବିରବର ସାହୁ , କୁଡ଼ସୁଡ଼ ପୂର୍ବତନ ଜିଲ୍ଲା ପରିଷଦ ସଦସ୍ୟ ସଂଜୀବ ସାହୁ , ସମାଜସେବୀ ଅନିଲ କୁମାର ତ୍ରିପାଠୀ, ଅଲଣ୍ଡା ସରପଞ୍ଚଙ୍କ ପ୍ରତିନିଧି ଯୁବରାଜ ବାଗ , ଝରିଆଲ ସରପଞ୍ଚ ଭରଦ୍ବାଜ ଗହୀର , ଜାମଖୁଣ୍ଟା ସରପଞ୍ଚ ଉଦ୍ଧବ ବେହେରା, ଗନ୍ଧରଲା ସରପଞ୍ଚଙ୍କ ପ୍ରତିନିଧି ପ୍ରଦୀପ ଜାଲ, ଚାନ୍ଦୋତରା ସରପଞ୍ଚ ଜିତେନ ବଛା , ଅର୍ଷାତୁଲା ସରପଞ୍ଚଙ୍କ ପ୍ରତିନିଧି ଟଙ୍କଧର ପୁଟେଲ , ଯୁବନେତା ନିତ୍ୟାନନ୍ଦ ପୃଷେଠ, ସଞ୍ଜୀବ ଛୁରା ପ୍ରମୁଖ ଯୋଗଦେଇ ଖେଳାଳି ମାନଙ୍କୁ

ଉତ୍ସାହିତ କରିଥିଲେ । ଦୁଷ୍ମନ୍ତ ସାହୁ ଖେଳ ପରିଚାଳନା କରିଥିବାବେଳେ ବୁଲୁ ମାଝୀ ଓ ଡିସେମ୍ବର ଭୋଇ ଲାଇନ ରେ ସହଯୋଗ କରିଥିଲେ । ଅମୁଲ୍ୟ ସିଂଦେଓ , ଘାସି ରଣା ଓ ଓମ ପ୍ରକାଶ ସାହୁ ଖେଳର ଧାରା ବିବରଣୀ ପ୍ରଦାନ କରିଥିବା ବେଳେ ଆୟୋଜକ କମିଟିର ସଞ୍ଜୟ ସାହୁ , ବିଟୁ ସାହୁ , ପିଣ୍ଟୁ ସାହୁ, ହେମନ୍ତ ସାହୁ ସୋନୁ ସାହୁ, ଉପେନ ସାହୁ , ଦୀପକ ମଳିକ, ଚନ୍ଦ୍ରକାନ୍ତ ଚନ୍ଦା ପ୍ରମୁଖ ପ୍ରତିଯୋଗିତାରେ ମୁଖ୍ୟ ଭୂମିକା ଗ୍ରହଣ କରିଥିଲେ ।