26-Dec-2022

 କଟକ ସଦର କନ୍ଦରପୁର ଥାନା ଅନ୍ତର୍ଗତ ସରସ୍ଵତୀ କଳା ପରିଷଦର ୧୯ ତମ ପ୍ରତିଭା ସମ୍ମାନ ମହୋତ୍ସବ ଦ୍ୱିତୀୟ ଦିବସ ବହୁ ଆଡ଼ମ୍ବରରେ ପାଳିତ ହୋଇଯାଇଛି। ଏହି ମହୋତ୍ସବର ପ୍ରଥମ ଅଧିବେଶନରେ ଅତିଥି ଭାବରେ ସାହିତ୍ୟିକ ଓ ନିତିଦିନ ଖବରକାଗଜ ବିଭାଗୀୟ ମୁଖ୍ୟ ସାମ୍ବାଦିକ ଶ୍ରୀ ଗୋବିନ୍ଦ, ଶିକ୍ଷାବିତ୍ ତଥା କଟକ ଏକାଡେମି କନସେଟ ସ୍କୁଲ ପ୍ରତିଷ୍ଠାତା ପ୍ରଭାତ ତ୍ରିପାଠୀ, ରାଷ୍ଟ୍ରପତି ପୁରସ୍କାର ପ୍ରାପ୍ତ ସମାଜସେବୀ ଗଙ୍ଗାଧର ବେହେରା, ଭୁବନେଶ୍ୱର ଆୱାଜ୍ ମିଡ଼ିଆ ମୁଖ୍ୟ  ସାମ୍ବାଦିକ ସତ୍ୟବ୍ରତ, ସାମାଜିକ କର୍ମୀ ସଂଗଠକ ସୀତାରାମ ପଣ୍ଡା ଓ କଳାକାର ଓ ସମାଜସେବୀ ସମରେନ୍ଦ୍ର ମହାପାତ୍ର ଯୋଗ ଦେଇଥିଲେ। ସେହିଭଳି ଦ୍ଵିତୀୟ ଅଧିବେଶନରେ ଅତିଥି ଭାବରେ ଅର୍ଗସ ଟିଭି ସାମ୍ବାଦିକ ଦୁର୍ଗା ସିଶି , ସମାଜସେବୀ ଓ ଉତ୍କଳ ବିକାଶ ପରିଷଦ ସଭାପତି ଇଂ.ପ୍ରକାଶ ଚନ୍ଦ୍ର ସେଠୀ, ସମାଜସେବୀ ଓ ଆସୋଷ୍ଟି ଫାଉଣ୍ଡେସନ ସଂଗଠିକା ବିଜୟଲକ୍ଷ୍ମୀ ମହାପାତ୍ର, ଅଭୟ ଦାସ, ଗୁରୁ ରମାକାନ୍ତ ସାହୁ  ଯୋଗଦାନ କରିଥିଲେ।

 ପରିଷଦର ସଭାପତି ପ୍ରତିଭା ଶତପଥି, ସମ୍ପାଦକ ନାଟ୍ୟକାର ଗୁରୁ ଅଶୋକ କୁମାର ପଟ୍ଟନାୟକ, ଉପସଭାପତି ପ୍ରଫୁଲ୍ଲ ଦାସ ଓ କର୍ମକର୍ତ୍ତା ଦୈତାରି ପ୍ରଧାନ, ଦୁର୍ଗା ଚରଣ ପରିଡ଼ା, ହେମନ୍ତ ପ୍ରଧାନ, ବିକ୍ରମ ନନ୍ଦ, ବାବୁଲି ପାତ୍ର, ପ୍ରଭାତ ମଲ୍ଲିକ ଓ ବିଶ୍ଵନାଥ ସାହୁ ପ୍ରଭୃତି ସମସ୍ତ କାର୍ଯ୍ୟକ୍ରମ ପରିଚାଳନା କରିଥିଲେ। ଏହି କାର୍ଯ୍ୟକ୍ରମରେ ବହୁ ପ୍ରତିଷ୍ଠିତ ସମାଜସେବୀ ଓ ସାମ୍ବାଦିକ ବ୍ୟକ୍ତିବିଶେଷଙ୍କୁ ଅନୁଷ୍ଠାନ ତରଫରୁ ସମ୍ବର୍ଦ୍ଧନା କରାଯାଇଥିବାବେଳେ ବିଦ୍ୟାଳୟ ଓ ମହାବିଦ୍ୟାଳୟ ଛାତ୍ରଛାତ୍ରୀମାନେ ବହୁମୁଖି ପ୍ରତିଭା ଅନ୍ୱେଷଣ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ।

(କଟକ ରୁ ନାରାୟଣ ଭୂୟାଁ ଙ୍କ ରିପୋର୍ଟ)