26-Dec-2022

ବଲାଙ୍ଗିର, - ଜିଲ୍ଲା ସଭାପତି ଲମ୍ବୋଦର ମହାକୁରଙ୍କ ସଭାପତିତ୍ୱରେ ବେଲପଡା ବ୍ଲକ ସେମେଲପାଲି ଠାରେ ଏକ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ପୂର୍ବତନ ରାଜ୍ୟ ସଭାପତି ଦେବାର୍ଚ୍ଚନ ଚାଉଲିଆ, ପୂର୍ବତନ କୋଷାଧ୍ୟକ୍ଷ ଜିତେନ୍ଦ୍ର ବେହେରା, ହର୍ଡଖୋଲ କେନ୍ଦ୍ର ର ସଭାପତି ହୃଷିକେଶ ପଧାନ, ବଲାଙ୍ଗିର ଜିଲ୍ଲା ଡୁମାଲ ସମାଜର ଉପଦେଷ୍ଟା ମଣ୍ଡଳିର ମୁଖ୍ୟ ମଲିଆ ଗଡୁଆ, ଉପଦେଷ୍ଟା ଚକାନନ୍ଦ କମ୍ପ, ବିଶ୍ୱାମିତ୍ର ବଘାର, ଦୟାନିଧି ଖମାରୀ, ନାରାୟଣ କମ୍ପ, ସୁବଳ ଖମାରୀ, ସୁରେଶ କରନ ଏବଂ ବିଭିନ୍ନ କେନ୍ଦ୍ର ସଭାପତି ଓ ସଂପାଦକ ମଂଚାସିନ ହୋଇ ନିଜର ବକ୍ତବ୍ୟ ରଖିଥିଲେ । ସେମେଲପାଲି କେନ୍ଦ୍ରର ସଭାପତି ରୂପେ କନ୍ଦର୍ପ ଦନ୍ତା,

ସଂପାଦକ ରୂପେ ନବ କିଶୋର ଡାଙ୍ଗ, କୋଷାଧ୍ୟକ୍ଷ ସୁରେସ ମହାକୁର ନିର୍ବାଚିତ ହୋଇଥିଲେ । ଉପଦେଷ୍ଟା ମଣ୍ଡଳିର ମୁଖ୍ୟ ଶ୍ରୀ ଗଡୁଆ ଏବଂ ଜିଲ୍ଲା ସଂପାଦକ ଇନ୍ଦ୍ରମଣି ବାରିକ ପରାମର୍ଶ ଅନୁସାରେ ୬ ଜଣ ସଭ୍ୟଙ୍‌କୁ ରାଜ୍ୟ ପରିଷଦ ସଭ୍ୟ ରୂପେ ମନୋନିତ କରାଯାଇଥିଲା । ଜନ ଗଣନା ଉପରେ ଆଲୋଚନା କରାଯାଇ ଆସନ୍ତା ୬ ମାସ ମଧ୍ୟରେ ସମସ୍ତ କେନ୍ଦ୍ର ର ପ୍ରତ୍ୟେକ ଗ୍ରାମର ଡୁମାଲ ପରିବାରର ପରିସଂଖ୍ୟାନ କରିବା ନିମିତ୍ତ ଉପସ୍ଥିତ ସମସ୍ତ ସଭାପତି ଓ ସଂପାଦକମାନଙ୍କୁ ନିର୍ଦ୍ଦେଶ ପ୍ରଦାନ କରାଯାଇଥିଲା । ଏହି ପରିସଂଖ୍ୟାନ କାର୍ଯ୍ୟ ସମାପ୍ତ କରିବା ପାଇଁ ଚକାନନ୍ଦ କମ୍ପ ପ୍ରତିଶୃତି ପ୍ରଦାନ କରିଥିଲେ ।  ଏତଦ୍ ବ୍ୟତିତ ସେମେଲପାଲିର ମାହେଶ୍ୱରୀ ସେନାର ଯୁବକମାନେ ଏହି କାର୍ଯ୍ୟକ୍ରମ ପରିଚାଳନାରେ ସମ୍ପୁର୍ଣ୍ଣ ରୂପେ ସାହାଯ୍ୟ ଏବଂ ସହଯୋଗ କରିଥିଲେ । ପରିଶେଷରେ କୋଷାଧ୍ୟକ୍ଷ ସୁୁରେଶ ମହାକୁର ଧନ୍ୟବାଦ ଅର୍ପଣ କରିଥିଲେ ।