-+91-9937148622 |
prerana_bgr@rediffmail.com |
Saturday 18th May 2024 |
R.N.I. Regd No. ODIODI/2010/46693
Breaking News
03-Feb-2024
ଭୂବନେଶ୍ୱର ( ପ୍ରେରଣା ଖବର )- ଭାରତୀୟ ରେଡକ୍ରସ ସୋସାଇଟି ଓଡିଶା ରାଜ୍ୟ ଶାଖାର ପଞ୍ଚଦିବସୀୟ ରାଜ୍ୟ ସ୍ତରୀୟ ଜୁନିୟର ରେଡକ୍ରସ ଶିକ୍ଷା ଓ ପ୍ରଶିକ୍ଷଣ ଶିବିର ଭୂବନେଶ୍ୱର ସ୍ଥିତ ନୀଳାଚଳ ପଲିଟେକନିକ ମହାବିଦ୍ୟାଳୟ ପରିସରରେ ସଫଳତାର ସହିତ ଉଦଯାପିତ ହୋଇଯାଇଛି । ରେଡକ୍ରସ ସୋସାଇଟି ଓଡିଶା ରାଜ୍ୟ ଶାଖାର ଅବୈତନୀକ ସଚିବ ବିଭୂତି ଭୂଷଣ ପଟ୍ଟନାୟକଙ୍କର ତତ୍ୱାବଧାନ ଓ ରାଜ୍ୟ ଜୁନିୟର ରେଡକ୍ରସ ଅଧିକାରୀ ଲକ୍ଷ୍ମଣ ସ୍ୱାଇଁଙ୍କ ସଂଯୋଜନାରେ ଆୟୋଜିତ ହୋଇଥିବା କାର୍ଯ୍ୟକ୍ରମରେ ୨୬ ଗୋଟି ଜିଲ୍ଲାରୁ ସ୍ୱେଚ୍ଛାସେବୀ , ଜୁନିୟର ରେଡଲ୍ରସ କାଉନସିଲର, ଅଫିସିଆଲ , ମ୍ୟାନେଜେମ୍ୟାଂଟ ସଦସ୍ୟ ପାଖାପାଖି ୪୫୦ ଜଣ ଯୋଗଦାନ କରିଥିଲେ । ଉଦଯାପନୀ ଦିବସରେ ସଚିବ ବିଭୂତି ପଟ୍ଟାନାୟକଙ୍କ ସଭାପତିତ୍ୱରେ ଆୟୋଜିତ ହୋଇଥିବା କାର୍ଯ୍ୟକ୍ରମରେ ଭରତୀୟ ରେଡକ୍ରସ ସୋସାଇଟି ଓଡିଶା ରାଜ୍ୟ ଶାଖାର ପୂର୍ବତନ ସଚିବ, ଶିଶୁ ଓ ମହିଳା ବିକାଶ ସୋସାଇଟିତ ଚେୟାରପାର୍ସନ ତଥା ରୋଟାରୀ କ୍ଲବ- ୩୨୬୨ର ସଭାପତି ମେଜର ଡ଼. କଳ୍ପନା ଦାସ ଯୋଗଦେଇଥିଲେ । ସ୍ୱପ୍ନ ଦେଖ ଓ ସେହି ସ୍ପପ୍ନକୁ ସଫଳ କରିବାକୁ ନିରନ୍ତର ପ୍ରଚେଷ୍ଠା କରିବାକୁ ସ୍ୱେଚ୍ଛାସେବୀ ମାନଙ୍କୁ ମାର୍ଗଦର୍ଶନ କରିଥିଲେ । ସେବା ଦ୍ୱାରା ଅନ୍ୟକୁ ଆପଣେଇ ହୋଇପାରିବ ବୋଲି ମତ ପ୍ରକାଶ କରିଥିଲେ ।
ଅନ୍ୟ ସମ୍ମାନୀତ ଅତିଥି ଭାବରେ ଓଲିଉଡ ଅଭିନେତା ତଥା ରେଡକ୍ରସ ଆଜୀବନ ସଦସ୍ୟ ସବ୍ୟସାଚୀ ମିଶ୍ର, ରୋଟାରୀ ଡିଷ୍ଟ୍ରିକ ଗଭର୍ଣ୍ଣର ଜୟଶ୍ରୀ ମହାନ୍ତି, ସୃଷ୍ଟି ଏକାଡେମୀର ଇଂ. ସରୋଜ କୁମାର ସାହୁ ପ୍ରମୁଖ ଯୋଗଦେଇଥିଲେ । କାର୍ଯ୍ୟକ୍ରମରେ ବ୍ୟକ୍ତିଗତ ତଥା ଦଳଗତ ଭାବରେ ସ୍ୱେଚ୍ଛାସେବୀ ମାନଙ୍କ ମଧ୍ୟରେ ପ୍ରତିଯୋଗିତା ହୋଇଥିଲା । କୃତି ପ୍ରତିଯୋଗୀ ମାନଙ୍କୁ ଅତିଥି ବୃନ୍ଦ ସାର୍ଟିଫିକେଟ ଏବଂ ଟ୍ରଫି ଦେଇ ପୁରସ୍କୃତ କରାଯାଇଥିଲା । ଶିବିରରେ କାଉନସିଲର ମାନଙ୍କୁ ନେଇ ଏକ ସ୍ୱେଚ୍ଛାକୃତ ରକ୍ତ ଦାନ ଶିବିରରେ ୨୫ ଜଣ ରକ୍ତ ଦାନ କରିଥିଲେ । ସ୍ୱେଚ୍ଛାସେବୀ ମାନଙ୍କୁ ନେଇ ଆନନ୍ଦ ଦାୟକ ଶିକ୍ଷ ପାଇଁ ନନ୍ଦନକାନନ ଷ୍ଟଡି ଟୁର କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ସ୍ୱେଚ୍ଚାସେବୀ ମାନଙ୍କୁ ସଡକ ସୁରକ୍ଷା, ଜୀବନ କୌଶଳ, ପ୍ରାଥମିକ ଚିକିତ୍ସା, ସଚେତନତା, ଜଳବାୟୁ ପରିବର୍ତନ, ରେଡକ୍ର ର ଇତିହାସ ଓ ସପ୍ତନୀତି, ବ୍ୟକ୍ତିଗତ ସ୍ୱାସ୍ଥ୍ୟ ତଥା ଅନ୍ୟାନ୍ୟ ସେବା ମୂଳକ ପ୍ରଶିକ୍ଷଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । କାର୍ଯ୍ୟକ୍ରମରେ ଯଞଶ୍ୱର ପଣ୍ଡା, ରବିଚନ୍ଦ୍ର ପଶାୟତ, ସ୍ନିଗଧାରାଣୀ ସ୍ୱାଇଁ , ନାରାୟଣ ପାଇକରାୟ, ବେଣୁଧିର ସାହୁ, ସଂଜୀବ କୁମାର ଦାଶ, ତୋଫାନ କୁମାର ରାଉତ ରାୟ, ରାମନାରାୟଣ ଦାଶ, ଶୁଭେନ୍ଦୁ ନାୟକ ପ୍ରମୁଖ ଶିକ୍ଷଣ ପ୍ରକିୟାକୁ ପରିଚାଳନାରେ ସହଯୋଗ କରିଥିଲେ । କାର୍ଯ୍ୟକ୍ରମକୁ ବରିଷ୍ଠ ସାଧନକର୍ମି ମୂରଲୀଧର ପରିଡା ପରିଚାଳନା କରିଥିବା ବେଳେ ମୟୁରଭଂଜ ଜେଆରସିଓ ସ୍ମୃତି ପାଣି ଧନ୍ୟବାଦ ଅର୍ପଣ କରିଥିଲେ ।
କାର୍ଯ୍ୟକ୍ରମରେ ଓଡିଶା ରେଡକ୍ରସ ରାଜ୍ୟ ଶାଖାର କର୍ମଚାରୀ ରମାରାଣୀ ସେନାପତି, ଲୀଲାପୂଣ୍ୟ ତିର୍ଥ ସ୍ୱାଇଁ, ସୁରେନ୍ଦ୍ର ନାଥ ସାମଲ, ବିନୟ ନାୟକ, କୁବେର ଚନ୍ଦ୍ର ପାତ୍ର, ଗୁଲସନ କୁମାର ଦାସ, ପତିତପାବନ ତଥା ଅନ୍ୟମାନେ ଉପସ୍ଥିତ ରହି ସହଯୋଗ କରିଥିଲେ । କାର୍ଯ୍ୟକ୍ରମରେ ଜୁନିୟର ରେଡକ୍ରସ ଅଫିସର ଲକ୍ଷ୍ମଣ ସ୍ୱାଇଁ ଶିବିରରେ ସର୍ବଦା ଉପସ୍ଥିତ ରହି ତ୍ୱରାନ୍ୱିତ କରିବା ସହିତ ସ୍ୱେଚ୍ଛାସେବୀ ଓ କାଉୁନସଲର ମାନଙ୍କୁ ଉତ୍ସାହିତ କରଥିଲେ ।